HAKHA RALKAP THILTUAH KONGAH MOTOR NGEITU NIH A CHIM MI

TCJ:Hakha ah Ralkap Motor he aa Pah Sualmi Motor Ngeitu Pa Ting 13 an Firpiak.April 13 zaam sml. 9:00 hrawng ah Hakhathar Aung Datsi dawr hmai ah ralkap motor le Ko Ngyi Ngyi Tun timi pa motor an i pah sual i, ralkap nih Ko Ngyi Ngyi Tun tangka ting 13 MMK an an firpiak, tiah kan theih.Motor an i pah sual lio ah ralkap nih Ko Ngyi Ngyi Tun cu an tlaih i an velh chap.

May be an image of outdoors and text that says "SHOT ON REDMI 0X AI QUAD CAMERA"

Cun, zaan khat chung an hren.Ko Ngyi Ngyi Tun nih, Aung Datsi dawr pawng ah kan i pah sual. Ralkap nih an ka kulh i an ka velh. Cun, zaan khat chung an ka hren. Zinglei ah an ka thlah i ka motor chung ka zoh tik ah ka tangka ting 13 MMK ka chiahmi a um ti lo. Ralkap pawl ka hal hna i, na tangka tlau kong ah ttuanvo kan la lo an ka ti,” tiah a chim.

May be an image of road

A tangka an lak pin ah ralkap nih Kan motor a rawkmi na kan remhpiak lai” tiah Ko Ngyi Ngyi Tun cu an ti chap.Asinain, Ko Ngyi Ngyi Tun nih Ka tangka nan ka pek lawng ah kan remhpiak hna lai” tiah a leh ve hna. Ralkap nih na tangka kong ah ttuanvo kan la lo, na duh paoh in tuah ko tiah an ti i, an kalter.Nizan Hakha ah ralkap nih phungning loin mi inn bauhnak le tlaihkhihnak pawl an tuah i minung 4 zong an tlaih hna, tiah The Chin Journal nih kan fehter khawh.

May be an image of car and outdoors

Relchih: Alaw Bum Tlaang ah KIA nih Myanmar Ralkap an Battalion Ning in an Thio Hna. Kachin ram, Tuluk ramri ah a ummi Alaw Bum sakhaan a rak dohtu Myanmar ralkap battalion Kha Ma Ya (320) cu KIA nih an battalion ning in an tthio dih hna, tiah theih a si.Kha Ma Ya (320) ah Myanmar ralkap 100 leng an i tel i Battalion Commander a thih pin ah ramlak ah ralkap pathum hrawng lawng an taang, tiah Kachin thawngzamhnak nih an ttial.

KIA chimnak nawlngei Col. Naw Bu nih, “Myanmar ralkap lei a thimi an tam ngaingai tiah kan theih. Kha battalion i ralkap pawl kha kan ralkap nih an tthio dih cang rua hna. A nungmi ralkap pahnih pathum lawng an taang. Atu hi mah a taangmi Myanmar ralkap pawl cu ramlak ah kan kawl hna lio a si,” tiah a chim.Kha Ma Ya (320) ralkap pawl cu Alaw Bum sakhaan doh ding in bu 2 in an i tthen i an rak kal.

Bu khat i an hruaitu ralbawi a thih caah hmainor loin an kir tthan. A dang a taangmi bu khat hi KIA nih atu ah an tthio dih hna hi a si. Alaw Bum tlaang a dotu ah aa telmi Myanmar ralkap pakhat zong Laiza pawng i khua ah a zaam i, khuami pawl sin ah tirawl a hal hna.Cu ralkap nih cun, Ramlak ah rawl kan ei lonak ni 8 a si cang. Banluang zim pawl lawng kan ei, tiah khuami a chimh hna i rawl a hal hna.

Alaw Bum sakhaan cu KIA nih March 25 ah khan Myanmar ralkap kut in an rak lakmi a si.Alaw Bum sakhaan lak tthan ding in Myanmar ralkap nih nizan tiang pehzul in ni 4 chung vanlawng in an kah nain an la tthan kho ti lo. Credit:The Chin Journal

Be the first to comment

Leave a Reply

Your email address will not be published.


*