TTIH NUNG TAKTAK SI CANG, PU THANG CUNG LE HAKHA NLD CAAH CUN

Pu Sonny Thang Cung caah cun ralrin awktlak taktak mi thil asi. Hibantuk cabia le holh a chim tthan asi ahcun tiah ralrinnak an pek cang. Culawng siloin a bik in NLD Party Hakha cawlcanghnak ah thilsining thatein le ningcang lotuk in an um asi ahcun pakhat khat a chuak kho mi dirhmun aphan kho mi asi. Cucaah CNLD nih atanglei bangin cathanh an chuh.

Ralrin Peknak. NLD Party (Hakha) nih CNLD Party kong a dik lo ning in bia vahter le ramkhel thurhnom hmang in mipi hlennak bia an vahter len mi kan theih. Abik in Pu No Than Kap nih a tuah lo mi ca cu CNLD Party tlanglamhnak in Social Media Kip ah an thanh mi kan hmuh (atang hmantlak ah CNLD Falam nih fianternak an tuah mi kan langhter chih).

Cu lawng si lo in Upadi Choh (Attorney General) a si mi Pu Sonny Thang cung nih keimah MP ka tlin lo i Vuanci ka si lo ahcun Falam pa, Tedim pa le Thantlang pa nih Vuanci an tuan lai i Hakha caah zeihmanh an kan tuahpiak lai lo, Hakha caah thatnak tuah zeitik hmanh ah an duh bal lo tiah Peng khat le Peng khat karlak thleidannak le huatnak in mipi sin ah thimfung lemsoinak a tuah mi kan hmuh (Voice Record thate in kan ngei).

No photo description available.

Atu bantuk in thil dik lo le peng khat le peng khat kar huatnak karh in biachim hi upadi he aa ralkah mi a si caah atu hnu in tuah ti lo ding ah le, nan tuah rih a si ahcun thimnak upadi ning in tuanvo kan in lak hna lai tiah thawng kan in theihter hna.Upatnak he, CNLD Hakha – Thantlang

Be the first to comment

Leave a Reply

Your email address will not be published.


*