KAN MP PAWL NIH THEIHTERNAK AN VUN TUAH VE CANG

Hakha mizapi sin ah Hluttaw palai pawl biacah: Pakhatnak. Upat mi Hakha mizapi sin ah, nan MP pawl nih upatnak le lunglawmhnak langhter than kan duh ko. Pahnihnak. Nihin tiang ngol lo in mizapi thim mi cozah ser khawh nakding ah, ralkap uknak duhlo langhternak ah, kan pum in, kan in telpi kho hna lo, kan lungthin dihlak tu in kan i tel peng ko.

May be an image of 2 people, people walking, people standing, road and street

Pathumnak. Mizapi cawlcanghnak le CDM in na tannak cung ah upat hmaizahnak kan in pek hna. Palinak. Kanmah zong a kan hruaitu hna tangah kan sikhawhnak in kan i zuam ve. Teinak cu mizapi kut ah a um te ko lai. Panganak. Kanmah le zawn cio in, lungdong lo in a dongh tiang, kalti ko hna u sih, kan hmai ah kan khuazing nih lam kan hruai ko seh. (Nan MP pawl, 17- Feb- 2021), Laknak: The Hakha Post.

May be an image of 2 people, people standing and outdoors

Asunglawi Ko: CDM Rawltam Le Tihal Mi Hna Caah: Dear Upatmi Bishop Dr. CK No Chhum, Kan ram luatnak le daihnak ding ca CDM cawlhcanghnak i rawlṭam le tihal tuar mipi hna caah tiah, (1) February ni (14) ni, Hledan lampi i minung (1000) hna caah chuncaw fun (1000) le (2) February ni (17) ni, Myanmar Company Bank (1) hmai, minung (2000) renglo an i tonnak hmun ah Chicken Rice Vermicelli (ကြက်ကြာဇံကျော်) fun (1000) na kuatmi hna kan hmuh tikah na cungah kan i lawm tuk hringhran.

Atulio kan ram, kan hmailei hei cuanh tikah muikhup in a ummi a ceu ṭhan khawh nakhnga CDM cawlhcanghnak zongah na thlacampiaknak long siloin, thilṭha tampi na tuahmi cungah kan i lawm tuk. Na tuahmi dangdang a um ko ti zong a thlam cun kan theih ko nain na kan theihter duh rih lomi zong a can a phak tik i kan theih te lai ding zong kan i ngaih tuk hringhran. Na rian biapibik Khrihfabu zohkhenh, biakinn sak le missionary tampi thlahnak rian na ṭuan long siloin,

kum 2008 lio kawlram Buhbel tiah auhmi Ayeyarwady le Rangoon Division ah Nagis ruangah mithong tampi an rak thih le an rak loh, harnak an rak ton lio thawkin, Hakha pi cimh lio, Rakhine State ah kum fatin tilian ruangah harnak a tongmi, Rakhine ralzam harnak a tongmi phu tampi hna sin le, Covid-19 ruangah harnak a tongmi hna tiangin, kum fatin mi bawmtu dingah Pathian nih an hmannak ka hmuh tikah Pathian le na cungah hi Capar hin lawmhnak ka van chim. Hi bantuk Khrihfabu hruaitu ṭha kan in ngeih hi Pathian sin le na sinah kan i lawm tuk tiah ka van nawlh ṭhan. Sincerely, Za Ling Sang. Credit: Za Ling Sang.

Be the first to comment

Leave a Reply

Your email address will not be published.


*