HAKHA MIPI NIH DR. LIAN ZA KHUP LE RALKAP RALRINNAK AN PEK HNA

Hakha Mipi Uktu Buu nih Hakha University Sayagyi Dr. Lian Za Khup cu ralrinnak an pek cang. Tutan ah Hakha University sayagyi Dr. Lian Za Khup Hakha mipi uktu buu nih ralrinnak an peknak a ruang bik cu Hakha University hmun ah kawlralkap um hmun khuarnak nawl apek hna caah asi. Kan theih cio bangin Hakha University ah Kawlralkap hna cu nizan tihni in umhmun an khuar.

May be an image of 1 person and indoor

Hakha University hmunchung ah kawlralkap umhmun an khuar hi nizan tihni March Ni 7 zanlei suimilam pahnih hrawng ah khan a si. Ralkap umhmun an khuarnak konghe pehtlaiin Hakha University rianttuantu pakhat nih a chimmi cu kei cu zeihmanh ka thei lo. Sianginn uktu upa hna he an i chawn bia i asi lai tiah a chim lawng siloin tulio meikangh a umpah caah security caah an rat mi asi lai tiah a chimchih.

May be an image of text that says "ဟားခါးတက္ကသိုလ်ဝင်းအတွင်း သို့ ဝင်ရောက် တပ်စွဲခြင်းနှင့် စပ်လျဥ်း၍ ဟားခါးမြို့ခံလူထု၏ သဘောထားထုတ်ပြန်ချက် ရက်စွဲ။ ။၂၀၂၁ ခုနှစ်၊မတ်လ (၉ ရက် ၂၀၂၁ ခုနှစ်၊ မတ်လ (၇) ရက်နေ့တွင် စစ်တပ်မှ ဟားခါးတက္ကသိုလ်ဝင်းအတွင်းသို့ ဝင်ရောက်ကာ တပ်စွဲခဲ့သည်။ ဟားခါးတက္ကသိုလ် ကျောင်းအုပ်ကြီး တာဝန်ခံပါမောက္ခချုပ် ဒေါက်တာလျန်ဇခုပ် သည် မိမိကိုယ်တိုင် CDM မလုပ်သည့်အပြင် ယခုကဲ့သို့ ကျောင်းဝင်းအတွင်း တပ်စွဲမှုကို ခွင့်ပြုထားကြောင်း ကြားသိရသည်။ စစ်အုပ်စု၏ လက်ကိုင်တုတ်များဖြစ်သော တပ်ဖွဲ့များ အား အများပိုင်နေရာဖြစ်သည့် တက္ကသိုလ်ဝင်းအတွင်း တပ်စွဲခွင့်ပြုထားခြင်းသည် လုံးဝ လက်သင့်ခံနိုင်သည့် အရာမဟုတ်ပါ။ သို့ ဖြစ်ပါ၍ ဟားခါးတက္ကသိုလ်ဝင်းအတွင်း တပ်စွဲထားခြင်း ကို မတ်လ (၁၀)ရက် နောက်ဆုံးထားကာ ရုတ်သိမ်းပြီး ကျောင်းဝင်းအတွင်းမှ ထွက်ခွာပေးစေလိုပါသည်။ အကယ်၍ ဖော်ပြပါအချိန်အတွင်း ယင်းသို့တပ်စွဲခြင်း ကို မရုတ်သိမ်းပါက တပ်စွဲ ခြင်း ကို ခွင့်ပြုထားသည့် တာဝန်ခံပါမောက္ခချုပ် နှင့် တပ်စွဲထားသည့် စစ်တပ် တပ်ဖွဲများအားလည်း ဟားခါးမြို့ခံ လူထုမှ လိုအပ်သလို တာဝန်ယူဆောင်ရွက်သွားမည် ဖြစ်ကြောင်း သတိပေးလိုပါသည်။"

Hakha University ah ralkap nih umhmun an khuarnak konghe pehtlaiin Kawlralkap cozah nih Chinram uktu dingah an thimmi Pu Ngun San Aung zong nih zeihmanh hi konghi ka thei lo. Keimah sin ah zeihmanh thanhnak an ka tuahmi zong a um lo, Security caah an kalmi a si ko lai tiah a rak chim cang. Hi konghe pehtlaiin nizan tihni ah khan Hakha University sianginn uk Dr. Lian Za Khup nih ka thei ve lo ramkulh lei nih an tawlrelmi asi lai tiah a rak chim.

May be an image of motorcycle and sky

Asinain tuchun ah Hakha University Sianginn uktu Dr. Lian Za Khup cu Hakha mipi uktu buu nih ralrinnak an pek cang. Hakha mipi sermi uknak lei bu nih tuchun ah Dr Lian Za Khup cu ralrinnak an pek. Thaizing march ni 10 tiangah Hakha University in ralkap pawl an chuah lo asi ahcun Hakha University ah ralkap umhmun khuar dingin nawl a onh tu Dr Lian Za Khup le ralkap hna ralchanh in Hakha mipi nih a herh ning in kan tawrel lai tiah cathanh ralrin peknak an chuah.

Be the first to comment

Leave a Reply

Your email address will not be published.


*