HAKHA MINO NIH HAKHA SIZUNG TAWH AN HRENH

Hakha Mino nih Hakha Sii-inn an hrenh. Ralkap nih March 12, chun 12:00 hrawng ah Hakha Sii-inn cu an luhhnawh i zaanlei 6:00 tluk ah Hakha mino nih Sii-inn Innka an hrenh, tiah thawng kan theih. Ralkap nih Hakha Sii-inn quarter ah a um i CDM a luut mi hna cu an thialter hna i sii-inn ah mizaw aa thlop lio mi zong an chuahter hna.

May be an image of one or more people and outdoors

Ralkap nih sii-inn ah hmunhma an laak hnu tlawmpal ah Hakha mino cu sii-inn ah chuak i quarter in thilter mi hna cu thil thial zong an bawmh hna. Sii-inn quarter in thialter mi hna an i thial dih hnu, zaanlei 6:00 tluk ah hi bantuk in Hakha mino nih Hakha Sii-inn kutka tawh an hrenh hi a si, tiah kan theih. Hakha Sii-inn ah hmun a khuar mi Ralkap hi minung 40 tluk an si lai, tiah ruah a si. Credit: Democratic Voice of Chin-DVC

May be an image of 1 person, standing and outdoors

Relchih Thawngpang Dang:Minung fa celh ding asi hrimhrim lo. Ka fapa ruak rak ka pe ulaw vuinak caan rak ka tuahter hram uh tiah mithli tla in nawlnak a tuah hna. Kawlralkap ralhrang hna nih lamzawhnak a tuahtu hna cu meithal in an kah thluahmah hna. Cu chungah nizan ah lamzawhnak tuahnak ah lutlai pakhat a simi Mg Lin Htet cu nizan ah khan Mandalay ah an kah thah i, a ruak zong ralkap lila nih an lak.

Hi konghe pehtlaiin chungkhar lei nih an chimmi cu Mg Lin Htet ruak hi Mandalay ralkap sakhan kip ah siseh, culawng siloin sizung kip ah dottletnak an tuah hna. Asinain zeihmanh kan thei lo ee, kan sin ah a um lo tiah chungkhar hna cu lehnak an tuah hna. Nizan ah an thahmi a si ko nain tuchun tiangah a ruak umnak or a sining zeihmanh theih asi rih lo.

Hi kongah Mg Lin Htet hringtu apa Pu Zaw Lin nih a chimmi cu ka fapa ruangah ka ngeihchia lo. zungzal in ka fapa thihnak kong hi cu ka tuak peng ko. Sihmanhsehlaw halnak tuah ka duhmi pakhat te lawng ka ngei. Cucu ka fapa ruak hi rak pe ulaw amuisam hmuh hnu ah vuinak nawl hi rak ka pe hram uh tiah hringtu apa nih lungfak ngeihchia in a chim.

Ka fapa cu lamzawhnak ah i teltuk hlah tiah ka chimh lengmang ko. Asinain amah nih a timi cu kei cu hnawm chartu men ah kai tel tiah a chim. Sihmanhsehlaw a thihnak kong kan vun theih tik ahcun lamzawhnak ah hruaitu lutlai a rak si diam. A nu le a pa hnangamnak dingah a rak chimmi arak si diam. Ralkap lei nih cun atluk caah a nunnak aliam tiah thanhnak an tuah. Cu thil cu a si kho lo hrimhrim, an kah hnu ah an velh i a nunnak aliamnak hi asi tiah a chimchih.

Tutan ah a nunnak aliammi Mg Lin Htet hi tuni March Ni 12 zanlei suimilam panga tiangah a ruak hi chungkhar hna sin ah a phan rih lo tiah thawngzamhnak nih alanghter. Culawng siloin Mg Lin Htet ruak kong he pehtlaiin Kawlralkap le palek hna zong biahalnak an tuah hna tikah kan thei lo tiah lehnak an tuah hna tiah an langhter chih.

Be the first to comment

Leave a Reply

Your email address will not be published.


*