HAKHA HLAWHTLING THLACAMNAK HMUN THILCANG CU A POITUK HRINGHRAN

Tutan Chinram khualipi Hakha thil cang cu lung attha hrimhrim lo. Lung atthat lonak aruang bik cu khualak le lamka sawhsawh a silomi Hlawhtling thlacamnak hmun bak ah hithil a can hi cu ruah lengmang tikah lung anuam lo ngaingai. Hmun dang kaa dang ahcun siseh law ai ning deuh hnga. Hi hmun le hma ah hibantuk thil an tuah mi hi cu apoi ngaingai i, an sia khun zong a rem ko.

Laimi Khrihfami hna nih kan ttihzahbik mi le kan upat nak hmun asimi cu, Biakinn le Thlacamnak hmun hna hi an si. Hi hmun le hma ahcun tthenkhat cu zu chim lo, kuat siseh kuva, khaini tibantuk hmanh an tawng ngam lo. Culio caan ah Hakha Hlawhtling thlacamnak hmun bak ah mino pali hna cu zuu an ding tiah theih a si. Zu a dingmi mino pali hna cu Saya pa nih asik hna ti asi.

Hi konghe pehtlaiin thilsining tlawmpal an langhter mi cu Hakha hlawhtling thlacamnak tlang Vailam Tung hram ah aho ti thei lomi mino pa 4 nih zu an ding. Hi mino pa 4 hi a hmu tu saya pa nih a sik hna i mah hnu ah an zai pah in an i thial tiah min langhter a duh lo mi kan farnu sinin thawng kan theih tiah CBN thawng zamhnak nih alanghter.

Acunglei kan langhter cang bangin, Laimi cu zakhat ah zakhat in Khrihfa aitimi kan si, kanmah kan tlonlennak hmun le hma ahcun kan duhmi paoh kan tuah ko hna. Sihmanhsehlaw Biakinn siseh thlacamnak tibantuk hmun ahcun zuu a dingmi hi theih awk tuchun nitiang ah an um rih lo, Atutan thil acangmi lawng hi a si lai. Chirhchan. CBN

Relchih:Chin State Chief Minister or Ministers Caah Chin Nu Kan Herh Cang.Judah Miphun cu Esther thawngin luatnak an hmuh bang, Chin Miphun zong Chin Nu thawngin luatnak hmuh ve cang hna uhsih. Democracy Lamthluan kan zulh kum (10) chung Pa nih Chief Minister or Ministers dirhmun in hruai asi. Cu caah atu termkhat @ Kum (5) hi cu Nu hmunhma pekin Chief Minister or Ministers kan pek ve hna a herh cang.

Zeiruang ah, 1. Na/Nan Nu aa pumpaknak kha ruat law, Chinram caah Chin Nu hmunhma pekkhawh i zuam cang hna uhsih. Cu longlong ah kan Chinram a dam in a him lai. 2. Zei bantuk hruaitu dirhmun na phak zongah Na Nu (or) nan Nu lung na lawmhter ta lo ahcun, na lam a tluang lai lo. Cu caah Chinram damter, tthanchoter le tluanter kan duh ahcun Chin Nu lunglawmhter hmasat le Tthutdanh sang tthutter hmasat longlong ah kan Ram a dam lai i a lamtluang lai.

Pathumnak. Na Nu (or) nan Nu nih chungkhar caah aa pekchanh nakle dawtnak an ngeihmi kha ruat law Chinram caah Chin Nu dirhmun ttha pek a herh cang. 4. Nubik nih ttha tein a zohkhen mi chungkhar cu, zeitik hmanh ah chungkhar Va/fale an lohtlau @ rawk thai ballo. Cu caah, Chinmi tlaulanh terding na sian lo ahcun, Chinram zohkhen tuding ah Chin Nu hmunhma pek caan a cu cang.

Panganak. Na nupi (or) na Nu lawmhnak nih Chungkhar dihlak a lawmh/dam ter bang, Chinram lawmhter le damter kan duh ahcun, Chin Nu hmunhma pek caan caan a cu cang. Na Nu Nau nganfahnak a tuar bang, Chinram a ngan a fak. Nganfahnak a tuar/phorh khotu taktak cu Nule an si. Cu ve bang, Chinram a nganfaknak a phor kho ding le hmai a fongpi kho tu ding taktak cu Nule hi an si.

Cu caah Chinnu Hmunhma pe ve cang hna uhsihlaw Chinram nganfah tuarnak damter ve cang hna uhsih. Na Nupi (or) na Nu dawtnak le humhimnak a phlih lo tu Chinmi sihram cang hna uhsihlaw Chin Nu cawisang a thiammi Chinmi si cang hna uhsih.Nu nih hruaimi Ram le Pengkulh poh ahcun Covid 19 raiin an him deuh ti cu al awk ttha loin kan dihlak hmuh le theih asi. Credit: Salai Chan Ceu Lian.

Be the first to comment

Leave a Reply

Your email address will not be published.


*