SURKHUA PALEK SAKHAN LAKNAK KONGAH CDF HAKHA HRUAITU NIH A CHIMMI

Surkhua Palek Sakhaan CDF (Hakha) Nih Mei In An Duah. Hakha Peng Surkhua ah a ummi Palek sakhaan cu nihin (May 8 ) Suimilam 11:30 tluk ah CDF (Hakha) nih kah ding ah an kal hnawh hna i sakhaan ummi palek le ralkap an zam manh i an sakhaan tu ciam dihlak in mei an duah tiah kan theih. Hi palek sakhaan ah ralkap 5 le palek 12 an um tiah kan theih.

Ramkomh Cozah Bu Nih Surkhua Cu Peng An Pek Cang - THE CHINLAND POST

CDF nih ralkap le palek cu a caan pek in kan in kah cang hna lai tiah thawng kan thanh cang. Surkhua palek zong CDM nan luh lo cun kan in kah hna lai kan ti hna. Cu ruang ah palek pahnih cu an meithal kuang CDF ah an ap i CDM an lut. An kan kah lai ti an theih cia tuk cang caah an zam mi a si lai,” tiah CDF Hakha in chimnak nawl ngeitu nih TCP ah a fianter. CDF (Hakha), Mindat le ralkap i dohnak nihin tiang ah voi 6 a chuak cang i ralkap 30 renglo an thi, aa hliam mi 20 lengkai an si lai tiah CDF upa pakhat nih TCP ah a chim.

Surkhua Ah Khuangcawi Le Lai Laam Hmuhsaknak In Chin Miphun Ni An Hmang Lai - THE CHINLAND POST

Thawngpang Dang Relchih:Hakha University Thawngpang. Hakha University in CDM a tuahtu sianginn cachim hna cu pumpak in ca na pek hna i rian an dinhter chung hna nak kong an thanh hna. Cu pin ah May 11 hnu bik ah chekhlatnak tuah ding in an auh hna nain nihin tiang aho hmanh an kai lo.

No photo description available.

Hi rian dinhter ca an pek mi hna ah minsen thu lo in le tuanvo ngeitu min an langhter lo.Ralhrang ralkap nih Kawlram huap in University a hun cang nain Hakha University ah siangakchia aho hmanh an kai lo. CDM a lut lo mi siangcachim mitlawmte lawng an kai tiah kan theih. Credit: The Chinland Post.

Be the first to comment

Leave a Reply

Your email address will not be published.


*