HAKHA CDF LE RALKAP AN I KAP TIMI KONGAH THAWNGPANG THAR

Thawngpang fiang tein an langhter cang. Tuzan lei ah Hakha khualipi ah Chinland Defense Force Hakha le ralhrang kawlralkap an i kap timi thawngpang fiang deuh in an langhter cang. Ralhrang kawlralkap hakha ah a ummi hna cu Chinland Defense Force Hakha he tuzan lei ah an i kap timi kha thawngpang he pehtlaiin thilsining comment in an langhtermi kan vun langhter chin

Hi konghe pehtlaiin thawngpang a langhtertu Jacob Thang nih a ttialmi cu Chin State, Hakha khua ah mipi le tapung an i kap tiah thawngpang theih a si. Bawipa nih dirpi ko hna seh tiah alanghter tiah a tial.  Hi cabia konghe pehtlaiin Olivianu Cinzah nih a tangah comment a tuahmi cu an i kap ti silo. CDF nih an bawh hna le Hakha Dalan nih an vaphuan hna le CDF tu kha ralkap nih an kulh hna ti asi tiah a chim.

No description available.

Tuchun zanlei Hakha konghe pehtlaiin thilsining an langhter mi cu CDF-Hakha nih cawlcanghnak a thawk cang ca ah, zaan suimilam 9:00 tiang a hohmanh leng chuah lo ding i zuam usih. Khuami lengchuah ruang ah, a chuak lo ding mi buaibainak a chuak kho mi a um ca ah lengchuah lo i zuam cio usih. Falam lei in rallokap mawtaw panga a rak ra mi zong Hakha khua an lut cang.Internet line a hmang kho lo mi nan innpa le chaktlang zong thawngthanh khawh cio zuam hna usih. Tiah langhter a si.

No description available.

Relchih:Chinland Defense Force nih ralhrang kawlralkap hna sin ah ralrin peknak an tuah cang. Tulio ahcun Chinram chungah ralhrang kawlralkap hna nih an ttih ngaingai ti usihlaw kan palh lai lo dah. Zeicaah tiah tutan Mindat Chinland Defense Force hna cawlcanghnak in a theipar hmuh khawh a si. Chinland Defense Force hi tulio kan laitlang or kan chinram chungah cun an tthawng taktak.

Hi konghe pehtlaiin Chinland Defense Force lutlai CDF zungpi nih ralhrang kawlralkap hna sin ah ralrin peknak ca theihternak an tuah cang. Tulio Chinram dirkamh or rungvengtu Chinland Defense Force hna nih ralhrang kawlralkap sin ah theihternak le ralrin peknak an tuah mi cu a turu ngaingai. Chinland Defense Force hna nih ralhrang sin ah theihternak le ralrin peknak 11 an tuahmi cu a tanglei bangin a si.

Chin ram ah a ummi sualnak ngei lo mipi hna runven khawh nak ding caah le ralhrang ralkap hna cu an lam phunkip in doh khawh ding in tiah Chinram khuapi (9) leng um mi Chin mi hna nih Chinland Difense Force (CDF) cu kan dirh tiah thawng kan rak thanh cang. Cu caah ralkap hna nih a ning cang lo in nan tuah mi a tang lei thil vialte hi a rianrannak in nan ngolnak lai ralrin kan in pek hna.

Pakhatnak. Mipi nih an covo a si mi hna a ningcang lo in chuh/buar. Pahnihnak. Daihnak te he duh lonak a langhter mi mipi le CDM a lut mi cozah rian tuantu hna a ning cang loin tlaih le serhsat. Pathumnak. Mipi he a pehtlai mi lam, siizung, sianginn, inn le zung hna ah mah duhning in hmunhma lak i um. Palinak. Khuachung le khuate lei hna ah hriamnam tling he I chawhvah i mipi tih lau ding in tuah.

Panganak.Mipi le khual tlawng cheukhat hna a ning cang loin check le thil le tangka chuh. Paruknak. Uniform lo in hriamnam i tlaih i mipi lak ah i cawh ve len. Pasarihnak. Church le biaknak lei hmunhma hna ah ning cang loin luh chuah i check len. Pariatnak. Mipi hna siizung kal nak le sii I thlop nak hmun hna philh kanh ti bantuk.

Pakuanak. CDM a tuah mi cozah rian tuan pawl thih peh len i ralkap lei bawmh chan. Pahranak. A ning cang loin tlaih mi mipi pawl thlah duh lo. Hi thil vialte hi ralkap le ralkap lei a tang mi dalan hna nih an zulh lo ah cun CDF lei nih a herh ning in dantat nak le action kan lak la tiah thawng kan in theihter hna.

Be the first to comment

Leave a Reply

Your email address will not be published.


*