HAKHA AH THAWNGPANG THA TAKTAK PAKHAT ZANLEI AH THEIH A SI

Hakha ah Thawngpang ttha pakhat a chuak. Buanlung Khuami Mino 3 an Thlah Cang Hna. Ralkap nih March 28 ah Hakha ah an tlaihmi hna Buanlung khuami mino pathum cu an thlah tthan hna i tu zaan suimilam 7:30 hrawng ah inn an phan, tiah kan theih.Ralkap nih an tlaih hna lio ah voi khat voi hnih cu a kan chuih pah, tiah tlaih a tongmi hna nih an chim.

March 28 chun i Hakha mei a mih lio ah khan an um a har i, thilcawk ding in leng an chuah lio ah ralkap nih an rak tlaih hna hi a si. Tu zanlei ah Zion Khrihfabu Pastorte nih palik sakhaan ah chungkhar an zulh hna i, biaruahnak an ngeih hnu ah palik nih an thlah tthan hna hi a si. Credit:The Chin Journal

May be an image of 3 people and text that says "ung hlei sang Roland"

Tuni ah an thlahmi hna hi Nizan March 28 ah thilcawk ding in leng ah an chuak i an tlau, tiah an timi hna Buanlung khuami Cung Hlei Sang (kum 17), Van Nun Bawi (kum 17) le Roland (kum 18) cu ralkap nih an rak tlaih hna i Rungtlang 266 sakhaan ah an hren hna.Hakha ah a ummi chungkhar hna nih, 266 ah kan hren hna tiah atu zanlei ah khan phone a kan chawnh.

Tu zanlei ah Palik sakhaan ah kan ratpi hna lai i, rak dong hna u a kan ti,” tiah The Chin Journal ah an chim. Buanlung khuami mino pathum hi nizan Hakha mei a mih lio ah kan an umnak Auto sang in thilcawk ding in leng ah an chuak i ralkap nih an rak tlaih hna hi a si. Nihin zanlei muika ah khan chungkhar lei palik sakhaan ah an kal. Asinain atu ahcun ralhrang ralkap hna nih an thlah cang hna.The Chin Journal

Relchih:Kalaymyo ralhrang ralkap pawl hna nih an thiltuahmi a tlamtlin lo caah an kir tiah theih asi. Tuchun March ni 29 zanlei suimilam pali in suimilam paruk tiangah Kalaymyo pawngah a ummi khua Sita khua ah ralhrang kawlralkap mipi hna cu fak ngai in an i kap tiah theih asi. Cu i kahnak ahcun ralhrang kawlralkap hna cu hnu ah an kir ruangmang ti asi.

Nizan Kalaymyo thilcang konghe pehtlaiin Kankaw ralhrang ralkap pawl hna cu Kalaymyo ralhrang hna bawmh dingin motor in an rak ra hna. Kankaw lei in a rak ra mi ralhrang kawlralkap hna cu Kalaymyo ralhrang kawlralkap hna nih an don hna ti asi. Sihmanhsehlaw ralhrang kawlralkap Kalaymyo in Kankaw ralhrang kawlralkap adong mi hna cu an kir tthan.

Aruang cu kalaymyo mino pawl or mipi hna nih lampi in an bawh hna i, an tthuat hna. Caan zeimawzat an i kah hnu ah ralhrang ralkap hna cu an kir tthan tiah an chim. Tuzan lei i kahnak ah hin mipi lei in minung pakhat zong hliam hma atuar i. ralhrang ralkap lei in minung pali bak hliamhma an tuar tiah an langhter. Cu tikah ralhrang kawlralkap pawl cu kalay lei ah an kir tthan tiah an chim.

Nizan Kalaymyo Tahan ah mipi le kawlralkap ralhrang hna i kahnak ah ralhrang kawlralkap lei in minung pali an nunnak a liam ti asi. Tthenkhat nih cun sizung a ummi he cun minung hlei nga an nunnak aliam tiah an chim. Asinain ralhrang ralkap hi zeizat taktak dah an thih timi theih asi rih lo. Athimi chungah hin ralkap bawi zong aa tel tiah theih asi.

Be the first to comment

Leave a Reply

Your email address will not be published.


*