HAKHA AH AA CHOK MI PAOH RALHRANG NIH AN CHECK DIH HNA

Hakha khuachung ah SAC nih aa choklet mi poh an check dih hna. 2021 September 9 zinglei sang Hakha khuachung bomb le meithal puah thawng theih a si hnu September 9 suimilaam 8:00AM in SAC lei nih lam i aa chokmi poh chekhlatnak an ngei hna tiah thawng kan theih. Hakha khuachung hmun hnih No. 3 Siangsangruun lam (pyidawthar in tumnak), Pyidawthar Shwe Myodaw kainak in an chek hna.

Khuami pakhat nih, “Lam i aa chokmi poh an chek hna. Tu tiang tlaihkhih a tongmi cu an um rih lo. Cycle tool box tiang zong an zoh dih,” tiah a chim. NUG nih DDay a thanh hnu Hakha khuachung ah pehtlai in Bomb le meithal thawng theih a si. September 7 zaan ahkhan khuami pakhat zong meithal kuan nih a khen i hliam a tuar tiah kan theih. THP

Hakha - Wikitravel

Thawngpang dang: Kawlram chungah khuachiapa tiah an auh mi le miphun hrawktu tiah an timi Wirathu an chuah cang. Rampi minchiat ruangah thong ah an thlakmi Wirathu cu thonginn in an chuah cang. NLD chan lio ah Daw Aung San Suu Kyi le cozah min nan chiatter tiah Section 124 hmangin an tlaihmi Wirathu cu ralhrang kawlralkap hna nih nizan ah khan an chuah cang tiah thanhnak an tuah.

Khuachiapa Wirathu hi a liamcia kum 2019 ah Myaih Township le Yangon Township ah campaing a rak tuah i, cu lio ah cozah le Daw Aung San Suu Kyi hna cu an thang a rak chiat hna. Tlaih dingin an rak kawl i, a rak zaam. Asinain nikum November nihnih ah Lanma Daw Township, Western District, police sakhan ah amah tein a rak i ap. Cuticun thong ah an thlak mi a si.

Insein thongah an chiah hnu ah ralhrang kawlralkap cozah nih atubantuk in an chuahmi asi. Wirathu hi tulio zongah ralhrang kawlralkap hna caah rinchanh tlak taktak mi asi tiah an chim. Tutan ah ralhrang kawlralkap hna nih Wirathu an chuahmi hi anmah ralhrang lei caah pakhat khat thil an tuahmi le cawlcangh an timh mi a um ko lai tiah an zumh. Cucaah thil pakhat khat cu an tuahter te lai tiah an zumh.

Be the first to comment

Leave a Reply

Your email address will not be published.


*