GOOD NEWS. TRUMP NIH THAWNGTTHA TUK ATHANH CANG

Donald Trump Lungput aidawh ning hi cu amak ko.Tutan Congress nih thanhnak an tuah hnu ah a chimmi cu Nawlngeihnak tlamtling tein kan i pe ko lai tiah US President Donald Trump nih chim. President Trump nih a ralai mi January 20 American Cozah thar rian i peknak ka tlamtlinter lai tiah a chim.Thimnak phichuak kong ah ka lungtling lo. Ka lungtlinlonak a ruang cu a fekfuan mi cherhchan a um ko nain January 20 i nawlngeihnak i peknak hi ka tlamtlinter ko lai.

Upadi he aa tlak mi mee lawng rel in fehter ding tiah ka doh peng lai tiah ka chim peng. Hihi President tuanbia ah term khat chung ah a tha bik mi a donghnak a si ko nain American ram a thancho khawh than nakhnga zuamcawhnak kan luh mi a donghnak a si ko, ” tiah President Trump nih a thanh mi ca ah aa tel. Trump cu January 6 zaanlei in a hman mi Twitter cu suimilaam 12 chung a off ca ah hi cathanh hi, President Social Media Director Dan Sacavino nih Twitter nih January 7 zing ah a thanh.

Relchih:Hnangam Deuh Si Cang: Zahan January 6 i Vawleicung Democracy ram vialte i pa bik ah ruahmi US cozah innpi (Capitol) chung tiang i hnahnawhnak (Choas) an chuahter hi cu a poi hringhran ko. Hmai a hngal lo taktak. Iran, North Korea le Kawlram te pawl hmanh nih an van nehsawh len ding ruah ah ka celh lo. A poi ko ti hlei chim ding um lo. Sinain, US cu phunghram fek tuk le hruaitu ṭha tamtuk umnak ram si hraat kaw mob rule le tharuum hmang (violent) in kum 200 renglo a nung cangmi democracy uknak an teiter khawh lo zia an langhter khawh ṭhan i hna a ngam i thawpi a chuak.

US cingcing a si ko. US ram hruaitu (lawmakers) pawl hi suimilam 6 hnu ah Congress innpi ah an lut ṭhan i zanṭim le khuamang tiang biaceihnak (debate) hi an ngei ṭhan.Bia an i al dih hnu le vote pekmi a zoh dih hnu ah US president ding ah Electroral College nih vote sin pekmi cu an fehter (certified) i Vice President Mike Pence nih Joe Biden le Kamala Harris hi US rammi le Electroral college nih an thimmi cu a si tiah a phuan. Congress nih Electroral college vote an fehter (certified) khawh in President Trump zong nih a lungsi lo ngai bu’in,

US president nawl ngeihnak (power) i peknak ding hi a sining dingte in ka tuahpi ko hna lai tiah a chim ve cang i buainak dang a um hraw ti lai lo tiah zumh a si. (Foxnews: Trump recommits to transfer of power as Congress certified Biden’s Win). Cucaah, hnangam deuh a si ka hei ti ko. A dong taktak cang. Credit: Vanceuuk Khenglawt

Be the first to comment

Leave a Reply

Your email address will not be published.


*