GOOD NEWS TAKTAK ASI. US CITIZENSHIP APHI DINGMI CAAH

US Citizenship Phi Dingmi Caah Thawngpang Tha. Kum 2016 lio ah ka rak zumh ning le ka rak chim lengmang mi cu US citizenship phit hi a fawi te lai lo, ka rak ti zungzal, a taktak ah Trump nih 2020 ah fak taktak in a vun har ter taktak ko. Kum 2020 lio ah US president sual taktak Trump nih US citizenship hi zapi zaran caah harsatnak lianpi a vun chuahter i civic questions 100 in 128 ah a rak kaiter.

Biahalnak 10 chungah 6 hman ahcun awn a rak si tawn mi kha biahalnak 20 chungah 12 awn hau cang in a rak tuah mi cu, velngeihnak in a khat mi Biden nih hrawh viar cang. March 1, 2021 thok in US citizenship phit ding question kha 128 si tiloin a thing Kum 2008 lio i an rak hman ning tein 100 lawng asi cang lai i, 10 hal mi chungah 6 na thiam ahcun na awng than cang lai.

28 a vun i chap mi tham cu a fawite ko cu kan ti awk a si lem lo, tarnu le tarpa caah a fawi lo pinah Laimi 80% tluk cu cathiam lo kan si i a rak fawi hrimhrim lo 28 a vun o chap mi hmanh. Tu ahcun 100 te lawng asi cang caah nan hna a vun ngam tuk cio ko hna lai timi zumhnak ka ngei. Biden nih hin phungninglo hunglut mi hi a kuatthan (deported) zungzal ve ko hna Nizaan tiang hman mu. By, Chelsea Bawi.

Rev. NC Thawng Tha Thang hruainak in MCYA mino 5000 renglo nih Ralkap uknak duhlo lamzawh. Yangon khualipi ah Rev. NC Thawng Tha Thang hruainak in Myanmar Christian Youth Alliance (MCYA) mino 5000 renglo nih 22-2-2021 ah Ralkap uknak duhlo langhter in lam an zawh, tiah kan theih. Atu MCYA hi keimah nih ka hruai hna lio a si. Myanmar ramchung um Khrihfabu kip aa fonh mi Mino Bu pakhat a si.

Nihin hi Myanmar Plazza in US Embassy tiang lam kan zawh lai ka ti nain, US ralkap an phiat ruang ah Singapore Embassy lei tu ah kan kal. US Embassy zong lam an hon bak in kan pehzulh than lai. Ca kan chiah mi zong leh ding in bia an kan tiam cang,” tiah Rev. NC Thawng Tha Thang nih The Hakha Times ah a chim. A peh rih mi cu, “Pathian cu dinfelnak a tanh mi a si.

Min Aung Hlaing nih nawlngeihnak a fir in a fir mi le dinlonak in a tuah mi thil cu mizapi nih kan hmuh ko ca ah kan doh ngam cio awk a si. Bible chung zong ah CDM a tuah mi tampi kan hmuh ko hna. Amah belte, Cozah riantuantu ca ahcun challenge a kan tuahtu taktak a si lai i an ca ah a har ngaingai ko lai. Asinain, anmah Cozah riantuantu hna hi kan bochan bik mi an si ko i mizapi zong nih dirpi peng hna usih,” ti zong a chim fawn.

Tutan Ralkap nih nawlngeihnak a laak a voi 3nak, Myanmar ramchung ah Khrihfa Biaknaklei upa hna, mino hna, Kawl biaknak, siseh, biaknak dangdang, Ramkheel party le Ramriantuan (politicians) hna lawng si loin, a bik in Cozah riantuantu le rammi mizapi nih lungrual taktak in CDM cawlcanghnak ah an luut hna. Laknak. The Hakha Times

Be the first to comment

Leave a Reply

Your email address will not be published.


*