GOOD NEWS: RALHRANG KUT IN LAIMI TA FAR HNA AN LUAT

Thawngpang ttha. Sekan Khualu ah an tlaihmi Minung pahnih cu an thlah tthan hna. June ni 22 ah ralhrang kawlralkap nih Kalaymyo ah an tlaihmi minung pahnih Pa Ci Thang le a U Ngun Nei Mang cu tuni June ni 25 ah an thlah hna tiah theih a si. Pa Ci Thang le a U Ngun Nei Mang cu tuzanlei suimilam paruk le cheu hrawngah an inn an phan cang tiah an chim.

Aliamcia June ni 22 zanlei suimilam pathum le cheu hrawngah ralhrang kawlralkap hna cu Sekan khualu civuan lam ah motor pasarih in an kal hna i, khuachung ah a ummi minung pathum an tlaih hna. Asinain khuachung an lonh or an chuahtak hlan ah minung pahnih cu an thlah tthan hna. Pa Ci Thang tucu ralhrang kawlralkap hna nih an tlaih.

Pa Ci Thang ralhrang kawlralkap hna nih an tlaih mi konghe pehtlaiin a U Ngun Nei Mang cu Pa Ci Thang konglam dottletnak a tuah ruangah an rak tlaih ve. Asinain tuni ah ralhrang kawlralkap hna nih an thlah hna tiah thawngpang an langhter. Hi konghe pehtlaiin Ralhrang kawlralkap hna cu June ni 23 in Sekan khualu Zichawng ah umhmun an khuar tiah theih a si.

May be an image of 1 person, sitting and outdoors

Ralhrang thawngpe tu le ralhrang hna sin ah thawngpang kip a phuangtu USDP chungtel cu kah a si. Mandalay ah USDP party member pakhat meithal in kah a tong. Mandalay Chan Mya Thar Si sang ah a um mi ralkap lei thawng petu U Kyaw Kyaw Min kum 50 cu tuni June thla ni 25 zinglei ah meithal kah a tong I a nunnak caah thinphang asi tiah pawngkam mi hna nih an chim.

Tuzing ah meithal thawng kan theih I leng kan chuah kan zoh ah cun a rak tlu ko. Inn hmai a phiah lio ah an kah tiah kan theih. Voi 6 an kah i a tawk, a ke le a keng ah voi 3 ah an khen. A mah hi mi chiahru ngai asi. Kan sang ah a ho he hmanh a rem loh. Kan sang zong hi mei in kan khangh la a ti mi minung asi tiah a inn pawng si mi nu nih BBC ah a chim.

Tlawmpal a rauh ah ralkap minung 80 hrawng an phan I pawngkam vialte an check dih. Kum 20 hrawng asi mi mino pa nan hmu maw tiin inn khat luh chuak in an kan hal hnu lawng ah a kap tu hi mino asi ti kan theih tiah pawng kam um mi nih an chim. U Kyaw Kyaw Min cu USDP party member asi tiah theih asi nain party lei in thawng thanh nak an tuah rih lo tiah theih asi.

Be the first to comment

Leave a Reply

Your email address will not be published.


*