GOOD NEWS: LAIMI VIALTE TTANG CUAHMAH HNA USIH, TUTIANG A CHUAK MI

Chin Miphun Runvennak Emergency Fund $1.2 Million Hrawng an Hmuh Manh. March thla zarh khatnak thawk in US ramchung ah Chin Miphun Runvennak Lakhruak Chawkawlnak (ENSF) an tuah i nihin tiang ah $1.2 million (1,690,000,000 MMK) hrawng an hmuh cang tiah ttuanvo ngeitu upa sin in kan theih.

CNF To Continue on NCA Path | Burma News International

Dollar $1,200,000 hrawng kan hmuh cang i, mah chung ah hin Khrihfabu pawl an i tel rih lo ti awk a si. March zarh khatnak thawk khan hi lakhruak fund hi kawl hram kan rak thawk, tiah a cunglei upa nih a chim. Chinland Club upate hruainak in tuahmi ENSF chawkawlnak ah US ramchung khuasa Chinmi chung in $5,000 in $10,000 karlak tiang a thomi zong an um hna, tiah kan theih. Chirhchan:The Chin Journal

CNF To Continue on NCA Path | Burma News International

Relchih:Ramleng ah a ummi nih CDM an i fian ning le ramchung ah a ummi nih CDM kan i fiang ning hi aa dang pah cio ko rua! ‘CIO CIO’ ah tiah mah le thaifung tein ramchung lei CDM kai fian ning tawi sau pah in van langhter ka duh! CDM cu; 1. Cozah rian aa phuakmi lawng khi CDM an si lo. 2. Nilin lakah thlan tiput he kan ton paoh tong aikun tiah sandahpiah a kalmi Mino hna zong khi CDM an si ve ko.

Pathumnak. A herhnak ah pawcawmnak a simi dawr zong a khar i, sandahpiah pawl dinti le thil eidin a phunphun a petu mipi vialte zong khi CDM an si ve ko. 4. Zan ih caan zong ngei lo in mah le sang ah Security in zankhua a deitu hna zong khi CDM an si ve ko. Zeidah ramleng mi (kanmah Laimi) nih CDM Support an rak tuah kun? Cozah rian phuak in lahkhah zong cozah sinah a la ti lomi hna. Cozah zung kai caan a phak rih lo ruangah CDM ka lut aa ti i, lahkhah a la pengtu hna. (Double Support)

Chin ram ah cozah lahkhah a la, CDM ah min cazin aa pe i bawmhnak a hmumi, cu nu/pa cu Kalay ah van i thial than i bawmhnak a hmu thanmi. (Triple Support) Zeiruangah chun zan zong it lo in ni 40 leng thlan ti put he kan ton paoh tong ai kun tiah hmai a normi sandahpiah mi, sangkip Security hna le cu ah cun aa tel vemi mipi vialte bel philh an si hnga? Double le Triple in support a hmumi inn ah daite in a thu komi nakin atu kan ram dothlennak ah nunnak a pemi hna hi an lam zawhnak ah datsii man te le Phone man tel zong khi bawmh dingin hmuhpiak an si hnga lo?

CDM chim paohah cozah riantuantu lawng khi kan hmuh khawh hna rua? Anmah lawng khi an si ruam lo! Lahkhah a ei lomi ralkap cozah a dohtu hna khi teh an i tel ruam lo hlah maw? CDM Support ti riangmaang in a herhmi nakin a herhlonak ah a kal peng naksa cun ni 40 leng vung rangmi zong vun nakah aa chuahmi vialte Mino hna khi teh CDM an si ve lo maw? Sizung a phanmi le an tam lengluang cang i hi hnu ah nunnak a pe than dingmi zong an tam lengluang rih!

Biakilh; Saing cachim ka si i lahkhah zong ka la peng ko nain ramleng in bawmhnak a phan an ka ti le tangkaa an kan pek. Kanmah nakin a biapi deuhmi bawmh ding hna an um lo maw?” Siang cachim pakhat (Kalay). Keu cu sandah zong zeihmanh a piahmi ka si lo, inn ah ka thu peng sawhsawh ko. Lahkhah bel cozah sinah ka la ti lo nain ramthumnak in bawmhnak an kan pekmi hi ka la ngam bak lo. Keimah nakin a herhmi tu pe deuh hna sehlaw ti ka duh tuk.” Siizung riantuan pakhat (Kalay).

Zung kip ah ka lut i cozah sinah lahkhah a latu le lalotu min cazin ka ngeih dih, Cozah sin lahkah a latu hna cu bawmhnak a phanmi kan pe bak ve hna lo.” Tedim Sayamahkyi pakhat (Kalay) Kawl pawl le miphun dang nih cun sandahpiah ah aa kalmi Mino pawl an herhnak bak ah an bawmh hna (atu rih ahcun kan ram dothlen a tuah cemtu hna an si), kan nih Laimi cu inn ah a thu sawhsawhmi hna dawh kan hei bawmh salam ko cuh.” Khalay khuachung mi pakhat. Credit: Za Bawi Thawng.

Be the first to comment

Leave a Reply

Your email address will not be published.


*