KAWLRALKAP RALHRANG CU KIA NIH AN BATTALION NING IN AN THIO DIH HNA

Alaw Bum Tlaang ah KIA nih Myanmar Ralkap an Battalion Ning in an Thio Hna. Kachin ram, Tuluk ramri ah a ummi Alaw Bum sakhaan a rak dohtu Myanmar ralkap battalion Kha Ma Ya (320) cu KIA nih an battalion ning in an tthio dih hna, tiah theih a si.Kha Ma Ya (320) ah Myanmar ralkap 100 leng an i tel i Battalion Commander a thih pin ah ramlak ah ralkap pathum hrawng lawng an taang, tiah Kachin thawngzamhnak nih an ttial.

May be an image of military uniform and outdoors

KIA chimnak nawlngei Col. Naw Bu nih, Myanmar ralkap lei a thimi an tam ngaingai tiah kan theih. Kha battalion i ralkap pawl kha kan ralkap nih an tthio dih cang rua hna. A nungmi ralkap pahnih pathum lawng an taang. Atu hi mah a taangmi Myanmar ralkap pawl cu ramlak ah kan kawl hna lio a si,” tiah a chim.Kha Ma Ya (320) ralkap pawl cu Alaw Bum sakhaan doh ding in bu 2 in an i tthen i an rak kal.

May be an image of outdoors

Bu khat i an hruaitu ralbawi a thih caah hmainor loin an kir tthan. A dang a taangmi bu khat hi KIA nih atu ah an tthio dih hna hi a si. Alaw Bum tlaang a dotu ah aa telmi Myanmar ralkap pakhat zong Laiza pawng i khua ah a zaam i, khuami pawl sin ah tirawl a hal hna.Cu ralkap nih cun, Ramlak ah rawl kan ei lonak ni 8 a si cang. Banluang zim pawl lawng kan ei, tiah khuami a chimh hna i rawl a hal hna.

May be an image of outdoors

Alaw Bum sakhaan cu KIA nih March 25 ah khan Myanmar ralkap kut in an rak lakmi a si.Alaw Bum sakhaan lak tthan ding in Myanmar ralkap nih nizan tiang pehzul in ni 4 chung vanlawng in an kah nain an la tthan kho ti lo. Credit:The Chin Journal

Be the first to comment

Leave a Reply

Your email address will not be published.


*