GOOD NEWS: CDM CAAH DOLLAR TINGKHAT A PEK HNA LAI

CDM Caah $100,000 a pek lai. Kawl ralkap nih hram hram in rampi uknak a laak tthan ruang ah a hrum-aimi hna kan miphun tuarpinak le CDM dirkamhnak caah dollar ting 1 bawmhnak pek ding in nihin Feb 27 ah Khrihfabu nih bia chahnak an tuah tiah Indiana Chin Baptist Church Pastor sin in theih asi. Hi bawmhnak cu CBCUSA sin ah a pek lai i CDM cawlcanghnak caah Khrihfabu dang dang bawmhnak pek mi he a tawlrel te lai tiah theih asi.

A luan cia Hakha kokek puicimhnak tuar lio zong ah ICBC Khrihfabu nih dollar ting 1 bawmhnak a rak pek bel cang tiah kan theih. Indiana Chin Baptist Church cu US ram Indianapolis khua ah um mi si i 2004 ah rak dir mi Khrihfabu pakhat asi, caan tling in Pastor 5 an ngei tiah kan theih. Credit: CCNC

May be an image of 2 people, people standing, snow, sky and road

Zasang Cinzah:Nihin cu Canada ram khualipi, Ottawa ah a ummi Kawlrammi cu, Chin community hruainak in a voi 1nk Protest kan tuah. Kan khua ningpi in kan chuak ko. A ummi dihlak kan chuak dih ti awk a si. Minung 237 kan phan. CANADA ram Parliament Hill, National War Memorial ah kan itong hna. Rev. Johnny Tial Awi Thlacamnak in kan thawk.

May be an image of one or more people, people standing, road and snow

Kawl Ralkap duhlohnak, Logan voi tampi kan au hnu ah National War Memorial in Chinese Embassy tiang, ke in an Kal. Snow a tla. A kik. Nain kan kan zam lo. OTTAWA police nih lam an kan hruai. Traffic paoh ah an kan kham piak i, tluangte in kan kal kho. Chinese Embassy kan phan in biatawi chimnak, Ralkap a bawmtu hna auhnawhnak in caan kan peh. Kawlram chung ah a ummi, u le nau le rammi vialte hna, kan umnak cio in kan in dirhkamh ko hna. Thazaang kan in pek hna. Kan ral hi kan tei hrim hrim lai.

Be the first to comment

Leave a Reply

Your email address will not be published.


*