FAKTUK IN SAYA VAN TUM A TTHUAT CANG, ATURU LAWLAW KHI ASI KO

Tulio Social Media ah Laimi chungin US thimnak kong thawngpang aa kan thanhtu chungah minung pakhat Saya Van Tum hi asi. Thil sining zapi nih kan theih in kan i fian khawhnak dingah dongcat loin aa kan tialpiak lengmang. Acabia chungah atam deuh cu kan theih cio bangin Trump adirkamhtu hna an i palhnak kong deuh asi. Trump dirkamhtu hna nih cun fak ngaiin adohmi tampi kan um.

Cu chungah Saya Van Tum cu minung pakhat nih fak ngaiin avun tthuat. Abia hi afak ngaingai ti usihlaw kan palh tuk lai lo. Saya Van Tum cu acunglei kan langhter cang bangin soiseltu tampi lak ah a dirkamhmi zong tampi an um ve. Minung cu kan ruahnak aikhat lo timi lengmang kha asi. Minung pakhat nih atha atimi kha pakhat caah cun attha lomi ah a cang tawn. Cuchungah Saya Van Tum zong aitel ve.

Thangchiat le aphunphun in atimi an um cuahmah lio ah a hmuh ning le a zumhning hna cu ralthate in achim chih lengmang, Acung kan chimcia le kan theihcio bangin Trump a ttanhmi hna hi an i palh ti deuh lengmang khi asi ko. Trump cu tthenkhat caah cun acawlcanghnak arianttuannak zoh tikah soisel awk um loin a dirpi mi tampi Laimi chungah kan um. Hi konghe pehtlaiin minung pakhat fak ngaiin Saya Van Tum atthuatning cu atanglei bangin asi.

No description available.

Van Tum hi cu a Nu paw chungin chuak loin um sehlaw a caah amiak deuh hnga. Saya pakhat min i bunh ko fawn i, bia duh tuk le aharh lonak ah i thlaktuk hi facebook ka on ah hin, amah kong le a bia duhnak lawng tein a khat. Facebook zong on huam asi ti lo. Amah Van Tum nak cun ka Ar Khong hmanh hi a let zahra in man angei deuh rua ka ti. Amah ttialning tein kan vun nolh tthan.

Van Tum hi cu a nu paw chung in chuak lo in um seh law a ca ah a miak deuh hnga saya pakat min i bunh ko fawn i bia duh tuk le a herh lo nak ah i thlak tuk hi fb ka on ah hi amah kong le a bia duh nak lawng te in a khat fb zong on zuam a si ti lo amah van tum nak cun ka ar kawng hmah hi alet za hra in man a ngei deuh rua ka ti. tiah Chuntei Bawi nih a langhter.

Thawngpang thar:US President thimtlinmi Joe Biden nih Coronavirus teinak dingmi thanhnak atuah. Coronavirus teinak dingmi atawhtlaitu pathum in langhter. Joe Biden nih Ni zakhat chungah rian attuan dingmi ah hin aitel mi pakhat cu Covid dohnak kong hi asi. Atimi cu US mipi vialte hna nih mask an i vuah dih lai tiah a chim. Mah mask hi tlanglawng ah siseh Bus chungah siseh i vuah dih ding asi lai. Culawng siloin covid vaccine dose 100 million zong phawtzamh dingin biakamnak atuah tthan. Thiamsang hna dottletnak atuahtu hna cu rianrang in vaccine chunh ding asi tiah achim chih.

Asinain vaccine dose 100 million hi zeibantuk minung hna dah chunh ding an si lai timi tu cu fiang tein alanghter lo. Cun ni zakhat chungah arianttuan dingmi alanghtermi cu atanglei bangin asi.Sianginn tam deuh hi onnak tuah asi lai i, Congress cu hi hna pawl caah fund pe dingin sawmnak zong atuah colh. Ca chimtu siseh, sianginn akaimi hna umnak khan chungah cacawng mi hna thatein an rak kir in an um khawhnak dingah ti asi. Tutan ah Joe Biden nih timhtuahnak angeihmi chungah abiapi bik mi a cunglei langhter mi hna hi an si.

Tuan deuh zong ah Biden US mipi hna nih Mask an i vuah dih ding tiah arak chim bal cang.Hi konghe pehtlaiin Joe Biden nih Governor hna le Mayor hna cu mipi mask i vuah dingin nawlngeihnak nan ngei i, hi phunglam hi nan tuah hna lai tiah sawmnak le theihternak zong atuah cang hna ti asi. Covid zawtnak nih biatak tein US a vun tlak tikah Biden nih hin hi zawtnak tlangrai pulrai cu biatak tein kan doh kham ahau tiah arak ti. Tutan zongah biatak tein a vun langhter tthan.

Be the first to comment

Leave a Reply

Your email address will not be published.


*