FAK TUK IN SALAI LTT CU MINUNG PAHNIH NIH AN TTHUAT CANG HIH

Salai Lung Thli Tum konglam hi tthenkhat nih cun a ruatmi tampi an um cang timi hi fiangtein tutan cabia in hin ahung lang cang. Asinain a sining vun ti tikah Salai Lung Thli Tum hi mi zeidah a si timi cu zapi nih kan i fiang ngaingai. Cucaah Salai Lung Thli Tum konglam siseh a sining tampi chim ding a um lengluang ko nain ka chim lem lai lo.

Zeicaah tiah Salai Lungthlitum cu a sining vialte siseh a cawlcanghnak kip ah Chinmi or Laimi nih kan theih dih mi asi ko caah tampi langhter kai tim lo. Chinmi phun caah Salai Lungthlitum hi thatnak maw a chuahpi chiatnak dah timi an vun langhter mi a si. A cunglei chimcia bangin Salai Lungthlitum hi a dirhmun sining vialte theih dih mi a si ko.

Minung hi kan pum aa dan bang in kan ruahnak zong aa dang tiah mifim thiam hna nih an rak chimmi kha tutan ah hin a bik in kan Laimi thinlung ah a hung lang. Chim duhmi cu Salai Lung Thli Tum hi Chin mi or Laimi tthenkhat nih cun kan uar taktak in kan dirkamh taktak. Culio caan ah tthenkhat nih cun Salai hi an rak uar lem in an rak ttanh nemmam lo tihi a vun fiang.

Cucu vawlei cung phung asi. Negative le Positive hi aa then kho lomi an si ti cu kan i fiang dih. Tulio cu Kawlram rampi thimnak lai a vun si tikah Salai Lung Thli Tum hi biatak tein Chinmi or Laimi kan vawlei Social media ah a hung lang ngaingai. Tutan lawng asi lo Salai a vun langh hi, Chinmi or Laimi kong kip ah ralttha tein a lang lengmang mi a sinak zong kan i fiang dih hna lai.

Abik in tutan a cabia le sining a cawlcang an vun zoh tikah tthenkhat lungsia a rem lo ngaingai timi hmuh khawh asi. Aruang cu tutan Salai cabia hi kan rel dih mi le kan theih dih mi asi. Cu chungah Salai dohkalhtu tampi chungah abiapi deuhmi tiah ruahmi pahnih ka vun langhter lai. Pakhatnak ah Salai Lungthlitum cabia le cawlcang a ngiathlaimi cu John Khenglawt hi asi.

John Khenglawt nih a timi cu Lung Thli Tum hi Lai Mino lakah bochan mi a si tiah nan chim nain zeidah community, Khrihfabu le Miphun caah bochan dingin rian a ttuan mi a um? Lung Thli Tum cu business man pakhat dirhmun in cohlan khawh zong a si rih lo.Miphun minung rian pe kho ding Company zong angei lo. Amah nih a tuanmi cu mi phaisa a miak in va ei or lak, puaisa (agent) rian a ttuanmi a si. Doctor ka kai a ti nain miphun pakhat le pakhat huatnak a chuahter. Ne Win le Wirathu lungput a ngeimi minung asi. Tiah John Khenglawt nih a ttial.

Culawng siloin,Salai Tluang Zel nih cabia fak ngaiin a tthuat rih. Salai Tluang Zel nih a timi cu Tum Hnok, Hnok Tum, Tum Buluk, Buluk Tum. Ti nawih hi cu ai tha ve lo awh. Lung Thli Buluk Tum tiah comment in a tthuat ve. Hi comment a cunglei langhter mi pahnih hi zeitindah nan ruah cio? Salai hi tutan cu a luan deuh nan ti maw? Salai hi a dik bak nan ti dah a cunglei comment zohchih.