FAK TUK IN MINUNG PATHUM CU SALAI LTT NIH A TEI CANG HNA

Nai hrawnghrang Salai Lung Thli Tum cabia cu vun zoh tikah Saya Rungkaw kong deuh lawngte a vun ttial. Salai Lung Thli Tum nih Saya Rung Kaw kong attialmi pawl kan vun langhter hmasa lai. Nizan ah attialmi cu Saya Rungkaw nih tukar hi Fanthen le Hnaring ah MP Ni Sui Lian a vun tei deuh ngai. Ka zenh pahmi kan pipi a vun ka teipiak caah kei ka duhning in thil a vun cang kan ti ko lai.

Bawlung puai sisehlaw MP Ni Sui Lian cu mee 1500 hrawngin Ohsuh bak ah a tla cang kan ti khawh. Saya Rung Kaw hi cu kanmah nih Khuahrang ah fak nawn in kan tengh ve caah mee 1800 in quaters ah a tla ve cang tinak asi. Tuzing ah attial tthan mi cu CNLD Saya Rungkaw politics a khelning khi Chin timi zong aa tlaih ti lo.

Zophei lawng maw MP an ttuan peng lai? Lautu le Mara zong MP kan ttuan ve ahau. Zophei nih an kan neek. Lautu le Mara cu thisa in unau kan si caah kan ttangtti lai i, Zophei kan tei hna ahau tiin Lautu le Mara tlang ah a thurhnawm ngaimi pengtlang politics a khel cuahmah ti a si.Tuchun thiamthiam ah attial mi cu a tanglei bantuk in hin a si.

Tulio hi Lautu ah NLD phu le Saya Rungkaw tanpitu Lautu Kilvengbu kar an buai ngai, taza i cuai an timh cang. Aruang cu Lautu Kilvengbu nih ‘Saya Rungkaw cu Lautu miphun a si, Lautu dihlak nih kan tanpi hrimhrim a herh’ tiah Saya Rungkaw teinak a hmuhnak ding ah biatak tein an cawlcang.

A cawlcangmi hna lakah cozah riantuantu zong an i tel ve. Cutikah, NLD phu an thinhung tuk, ‘politics tuahnak ah pengtlang miphun min zuar awk si lo, zatlangbu nih pumpak caah cawlcangh awk a si lo, cozah riantuantu nih politics tuah awk a si lo’ an ti i taza cuai an timh hna hi a si, tiah Salai Lungthlitum nih apehpeh in Saya Rungkaw kong attial.

Hi cabia konghe pehtlaiin Salai Lungthlitum nih comment a dirhmun zeimawzat alanghter. Minung pakhat nih comment atimi cu Semi Final ah na tla ve sual hnga maw? tiah ati. Salai Lungthlitum nih lehnak atuahmi cu Kannih cu Nitlak Zophei le Mara ah kan tthawngtuk cang i, sungh angah ti lo tiah lehnak atuah.

Cun minung pakhat nih a ti tthanmi cu Saya Rungkaw hi cu na tei lai kan zum hrimhrim lo tiah ati. Salai Lung Thli Tum nih lehnak atuah tthanmi cu A chuah semnak khua asimi Khuahrang hmanh ka tei cang. Hnaring ah MP Ni Sui Lian he aitluk cio an ngah te lai, Teinak hmuh lonak ding a um ti lo. Dr Hmuh Thant zong Mara, Zophei le Surgen ah kan tengh ve cang i, Semi aphan kho ve lai lo khah.

Saya Rung Kaw cu zenh ding ah a um ti lo. Bawlung siseh law quater ah a tla cang mi asi, Lian Lian Pa ( Dr Hmuh Thang ) cu kum nga chung atuah khawh mi um lo i, mee a ngah ti lai lo. tiah Salai Lung Thli Tum nih fiang ko in a chim. A cunglei langhter cang bantuk in Salai Lungthlitum nih Saya Rung Kaw le Dr Hmuh Thang cun Ni Sui Lian cu ka tei bak hna ati ko cang hih.

Be the first to comment

Leave a Reply

Your email address will not be published.


*