ZEI RUANGAH DAH NLD MP NAK IN CHINRAM CAAH THANCHONAK AN TUAH KHAWH LAI LO

Fa Tak le Fa Ei Thil pek ai lo ballo bantukin A Thimi Chiandeih nakin A Nungmi Uico Kebei A Tha hnem deuh Ving. Chin Party MP pawl nih NLD party MP nakin chinram thangcho kho dingin kan sersiam khawh lai timi biafang an hmanmi cu a si kholo tukmi si. MP an chuah hmanh ah nld MP tlukin thanchonak an tuah kho deuh hrim lailo.

Miphun caah zalonnak cu an chim ko lai, phunghram remh ding zong an chim ko lai, thiltha cu a si hrim ko nain anmah nih an chim ruangah a tling kho hrim lailo. Chin national day, miphun ni hna cu zungkhar ah kan chiah piak u timi cu an tlinter khawh men. Zeiruangah dah NLD MP nakin Chinram caah thanchonak an tuah khawh deuh lailo kan ti si cun, cozah a serkhomi party an silo.

Phyituh, Amyotha, Hlutdaw MP cu an chuak kho tak sinain khoika dah an i peh, nge nih pehnak kunghram a ngeihlo cun zeitin dah thei a tlai khawh lai.Fa tak le Fa ei cu an thil halmi cungah an pekmi hna ai dang tuk timi nan theih cun ka tialmi hi nan i fiang ko lai. A thimi Chiandeihnak in a kebeimi Uico a tha hnem deuh hngalo maw?

Chin party nih teinak an hmuh zongah an huat tukmi kawl party an timi tangah an lute an i khun thiam hau. Cozah nih ramthen caah thanchonak dingah tangka a timh a um ko, cu a timhmi cu anmah lila nih an duhlo cun an kham khawh thiam, fa tak nih a halmi le fa ei halmi pekmi cu ailo ballo. Chin party nih phunghram remh khawhnak dingah ( i zuam ve lai an ti cun, NLD or USDP ah pehtlaihnak than an ser hsu, hi pahnih he pehtlai in kan um lailo an ti sual si cun an chimmi cu thlitu lak voihvoih he si khat ko lai. Credit: Stonny Bawi.

Be the first to comment

Leave a Reply

Your email address will not be published.


*