DR NGUN CUNG LIAN CNF/A AH RAK KIR TTHAN BY RLT

Dr Ngun Cung Lian Tinhnak Apalh Kho: Dr. Ngun Cung Lian cu zeitluk in dah pa fim a si ti cu Asian ram chungah mifim nih cun a thei lo mi hrim an um Lai ka zum lo. Chin miphun kan caah arfi ceu pakhat bantuk a si ve. CNF/A ah caan sau pi rian a tuan hnu ah lam dang in ram le miphun caah CNF/A chuah tak in kawlram (Burmese) chung lut in ram caah rian ttuan in a tinhmi lei ah kal a timh.

Sihmanhsehlaw, duhning tlam a tling kho lo. Tinhmi ngei cu a tha tuk ko nain a si khawh nak ding lam ah tlik hi a tha cem. A tutiang kum 5 reng lo a cawlcangh ko nain zepipa a chuah kho ve rih lo. CNF/A ah Khan fek tein rak um ko sehlaw zeitluk in dah Chin ram caah thatnak le hlawtnak a kan hmuhpi cang hnga.

CNF/A ah nunnak a rak pek cang bantuk in nihin ni tiang CNF/A ah Kan dirpi rih ko sehlaw CNF/A tinhmi 100% chungah 60% hlawhtlinnak cu a kan hmuhpi cang lai.Kawl rawn ah an chim thiam lomi biachim ter le an tuah ngam lomi tuahter in kawl pawl nih an kut,ke le an mur kaa ah an hman ko rua ti hna ka ruat caan a tam.Dr. Ngun Cung Lian bantuk hi kan ram ah minung pathum tal um hna sehlaw ka duh dah. Dr. Ngun Cung Lian CNF/A ah rak kir than. WE WELCOME YOU! Credit: Rual Lian Thang

Relchih aduhmi caah Chin khrifa pawl hi ” VelHle” Chim a thiam bik kan si.Nainganzi ahcun luhmuzi tuk in velhle chim i tinh ding a si lo. Kawl uknak kan duh lo kan ti kan doh mi hna hi velhle si hlah seh, kan duh mi federal democracy le self-determination cu kawl kut in kan lak kho ti lo. Aung San fanu party NLD tal nih Democracy an kan lak pi kho sual lai kan ti caah kan dirkam hna zei an i hlei lo.

Kawlram cu multi-parties umnak ram a si caah kawlram chungah party tampi an um. Kawlram chungah party pakhat lawng bak nih cozah a ser kho mi belte cu USDP le NLD an si. An pahnih in cozah an ser veve cang. Cozah an ser chungah tlangcung mi nih kan duh mi federal le Self-determination ngah cu chim lo, ram chung buainak tu an kar ter chin chin.

Tlangcung mi nih kan duh mi Federal le Self-Determination kan ngah kho nak ding caah cun ” coalition government” system kan hman a herh. Coalition Gorvenment kan ser kho ahcun tlangcung mi vialte nih parliament le Hluttaw ah phunghrampi remhnak kong siseh, ralkap nawlngeihnak kong siseh, ramdang he pehtlaihnak kong siseh, ramchung thanchonak kong siseh thil tampi hmunkhat teah kan ceih tti kho lai.

NLD nih cozah an ser than ahcun lu hnih ngeih ( cozah ) an si than thiam thiam lai. Ralkap nih security lei in an kan uk lai. NLD cozah nih khat lei in an kan uk rih lai. Zei pipa a chuak hlei lai lo. Buainak tu a kar chin chin lai. USDP nih cozah an ser than ah cun dictatorship uknak in an kan hruai than lai i, ramchung ral a tho than lai.Tlangcung mi vialte lakah Chin Khrifa pawl hi ” VelHle” a chim thiam bik mi kan si. NLD nih term khat lawng an kan hruai rih caah tutan cu NLD nih kan hruai rih ko hna seh timi hi ” VelHle” chim a si.

A tak le ngai ahcun NLD leaders pawl zong kawl an si. Kawl uknak hrimhrim kan duh ti lo kan ti ko tung ahcun ” VelHle” in NLD tanh a herh lo. Nainganzi hi ” VelHle” in tuan kan i tinh peng caah kan duh mi kan hmu kho tawn lo nak a si. Cun, a dang tlangcung mi zong nih ” Chin pawl cu mi ralchia le “velhle” chim thiam tuk ah kan ruah beh nak hi a si.Cu caah velhle chim can cu a dih cang. A tu ahcun kan mah tein kan sining le dirhmun kan i thei cang caah nawlngeihnak zong kan mah tein kan i pek ve a hau.

Atu lio kan Kawlram Nainganzi um tu ning in cun ” USDP le NLD” nih cozah ser ti hna hlah seh. Federal Democracy le Self-determination” a duh mi tlangcung mi vialte teltum kho ve nak lam pakhat a si mi ” Coalition government” ser kho ding tu i zuam hna usih. Hi bantuk a tlamtling kho nak ding caah cun mah le miphun party cio kha thazaang kan pek hna a herh. Vote CNLD. By. Bawi Hlei Hu