DR LIAN HMUNG SAKHONG NIH NAWLNAK ATUAH CANG

NAWLNAK BIA. U le nau miphun hawi hna: Pakhatnak. Kan ram le kan miphun caah rian kan ttuannak ah, keimah pumpak in si seh, CNF min in si seh, tha nan kan pek, nan kan bawmh, thla nan kan cam piak i, kaa lawm tuk hringhran. Pathian nih thluachuah in pe cio ko hna seh.

Pahnihnak: Kan mah cu, kan miphun zalawnnak le kan ram luatnak cah Democracy, Federal le Self-determination a au pi mi kan si. Hi kan au pi mi hi, kanmah Chin miphun long si lo in, Kawlram chung ah a um mi miphun vialte le mipi tam deuh nih an duh cio mi asi. Political party tam deuh zong nih an duh i an au pi cio mi asi ko.

Pathumnak: Kanmah CNF cu miphun le ram cah rian attuan mi aho poh: pumpak in siseh, party zong in siseh ram le miphun cah rian kan ttuan tti lai ti lai tiah ca kan chuah cang. Asi nan aho party hmanh election ah kan ttanh hlei lai lo, neutral in kan um lai tiah statement kan chuah mi nan rak hmuh cio ko lai.

Palinak: CNF nih ca kan chuah mi statement chung ah khan CNF upa nih hlan lio te in nihin ni tiang kan chim mi bia, azapi si lo in atanbul long lak in, nanmah duhnak te long nan kan chuah piak lai lo, ti zong in kan nin nawl cang hna. Panganak: Cu cah, keimah ka chim mi bia si seh, CNF upa dang an chim mi bia si seh, abultan long lak in, political campaign cah nan kan hman piak nak hnga lo kan nawl hna. Credit: Lian Sakhong ( Dr Lian Hmung Sakhong)

Atang cabia hi relchih:2008 phunghram remh le Federal kongah Dr. Ngun Cung Lian chim mi “Bia” hi ka zumh. (A “BIA” ka zumh ka ti nak mu). USDP siseh, NLD si hna seh, an mah lawng nih zeitin hmanh in 2008 phunghram an remh kho lai lo” tiah Dr. Ngun Cung Lian nih a chim (?) ti a si. Cun 2008 phunghram remhnak lam lawlawse i a um chun cu Nationwide Ceasefire Agreement (NCA) lawng hi a si tiah Dr. Ngun Cung Lian telh in kan pale mifim tampi, rianttuan nak ah aa tel mi nih an chim mi asi.

Federal ram sernak timi le 2008 phunghram remhnak cu aa zuldawi mi, hnuhmai in ceihti ding mi a si tiah a fawinak in chim khawh asi. Cu caah Federal kan hmuhnak ding caah le, 2008 phunghram remh khawhnak ding caah NLD Vote uh, USDP vote uh ti zong kha thlitu lak voih voih bantuk men a si Federal le 2008 phunghram remhnak cu kan mah kut bak ah a um hih an timi zong kha a dik lo tinak a si ko.

Tahchunnak, fact check ti zong in a ngah. Kan hnu kum ah NLD (kum 2015 ah landslide in teinak a hmu mi) nih phunghram remh ding mi tampi an chuah pi, Hluttaw nih a hran zohtu phu zong a dirh, an zoh dih hnu ah an chuah pi, a sinain an remh kho lo. Hi hi cu mithmuh kut tongh in kan hnu kum ah kan hmuh mi asi.Federal ram sernak kong ah “Federal hi Kawl sin ah a um lo, NLD sin zong ah a um lo, USDP sin zong ah a um lo.

Kan pe uh tiah hal ding mi a si lo, kan mah tein kan i ser ding mi a si” tiah Dr. Ngun Cung Lian a biachim hoih in ka fian ning a si. A chim mi chung ah aa tel mi cu “Tlangcung miphun nih mah tein khuakhan Lairelnak kan duh, cu caah Tlangcung hmun ram paoh ah Tlangcung miphun kan thazaang tthawn a herh. Tck: Tukum thimnak ah Tlangcung miphun hmunram paoh ah Tlangcung mi nih Landslide hna in tei dih uhsih law, cun Tlangcung hriamtlai phu hna he “Aw” khan kan chuah lai (Tck CNF le CNLD hna cu kan ramkhel target aa khat ko Federal kong hna ahcun),

Kan “AW” a ngan tuk lai, khah Federal dawh kan duh hih tial lungrual tein, Kawl rual sin ah khin va chim siseh law” Federal cu kan mah tein kan i ser ding mi a si timi kha asullam a thuk ngai ngai, kan khel mi muru kalnak lam taktak a si tiah ka ruah. NLD le USDP in aa cuh mi Chin MP hna zong an um ko tung, ziah Chin mi pei an si ve ko cu, CNLD lawng cu maw Chin mi timi bia halnak le comment a tampi ka hmuh.

NLD le USDP in thimnak ah a tling mi Chin kan MP pawl nih Chin miphun Covo le kan dothlennak ah an tuah khawh mi a um lo, tuahnak nawl zong an pe hna lo. Fact check 1: NLD nih phunghram remh ding mi Hluttaw ah an chuah pi. Cun Phunghram remh ding pohmah an chuah pi mi pawl a hran zohtu ding Committee Hluttaw nih a dirh. Cu Committee ahcun NLD chung in Chin MP pakhat hmanh an i tel lo.

Pahnihnak. 2008 phunghram remhnak lam a um chun a si kan timi Nationwide Ceasefire Agreement (NCA) ah: NCA a hlawh tlinnak ding ah a biapi taktak mi cu UPDJC hi a si. Phundang in chim ahcun UPDJC cu Federal ram sernak ding caah a hlan kan in a tawlrel, a zohcia tu, NCA hnatlaknak tuah ding mi pawl a tuah hmasa, tawlrel tu ti khawh a si i Committee member (48) in dirh mi a si. Pi Aung San Suu Kyi nih Chairman a ttuan, Vice Chairman ah Dr. Lian Hmung Sakhong a si.

Cun Hriamtlu phu thutnak a um, hi ah hin Chin miphun aiawh in CNF cu an i tel, Cozah, Ralkap le Hluttaw minung (16) an thutnak hmun a um. A sin ain cu ahcun Chin miphun, Chin MP pakhat hmanh an i tel lo, Miphun aiawh ah kan thim hna timi kha Miphun aiawh an si lo timi a lang. 2015 rampi thimnak ah MP thimbik a hmu mi ramkhel party (22) chung ah minung (16) thim an si. MP a tambik a si mi an thu, NLD, USDP in cun Kawl MP an tthu, Rakhine, Shan, Mon ti bantuk cu teinak a tampi an hmuh, cu caah an miphun MP te kha an miphun ramkhel party aiawh ah an thu.

AsiNain Chin ahcun Chin Party nih teinak a hmuh lo caah Chin ramkhel Party aiawh a tthu mi an um lo. NLD le USDP in a tling mi Chin MP an i tel lo, Kawl lawngte an tthu, cu caah NLD le USDP a um mi MP a tling mi Chin MP pawl nih Chin an aiawh lo timi a fiang ngai. Federal cu kan hal hna ding timi a si lo, kan mah tein kan ser awk a si timi hi capo bia a lo men lai nain a dik taktak mi asi.

Tlangcung hmunram ah Tlangcung miphun kan tthawn i teinak kan hmuh dih cun NCA ah Tlangcung hriamtlai he “AW” khat chuah in Federal kong zong det a herh mi asi. A luancia caan ahcun Chin Aiawh cu CNF lawng a si, “AW” khat lawng a si, CNLD nih Chin ram, Chin Party nih Chin ram ah teinak hmu dih usih law, NCA ah CNF he kan “AW” aa rual lai, a ngan lai. 2008 phunghram remhnak le Federal sernak kutka a simi NCA ah Chin MP tampi thutnak lam a um lai. Cucu kan mah tein ser a herh mi, kan ser ding mi cu asi. Credit: Salai Cung Dawt.

Be the first to comment

Leave a Reply

Your email address will not be published.


*