DEMOCRATS HRUAITU CUNGAH BIDEN ALUNG TLING TI LO

Joe Biden zong Democrats hruaitu hna cungah alungtlin ti lo. Biden nih Ni zakhat chung rian attuan dingmi vialte a chim dih cang. Covid ruangah nunnak aliammi hna an tuarnak chawn ding le rian ngeilomi ahlan sining in an um khawhnak dingah timhtuahnak angeih mi vialte caah tangka hman dingmi hi 2.9 trillion asi. Hi tangka hi House le Senate ah cohlannak tuah ahau mi asi.

Biden nih CABINET biapi Secy of State caah Antony Blinken, Gen. Lloyd Austin – Defense Secy, Alejandro Mayorkar – Homeland Security Secy, Arvil Haines – Director of National Intelligence, Janet Yallen-Treasury Secy (Finance Minister) caah athimmi hna zong Sentate nih tuan ah cohlannak an tuah tthan rih dingmi khi asi. Asinain thildang achuak diam.

Biden nih rianrang in thil aduhmi vialte hna cu akal kho ding asi tilo. Aruang cu Trump impeachment kongkau ceihkhan hmasa an duh cang. Hi zawn ah Trump apalh ko tiah sual apuhtu hna cu Senate ah an auh hna lai i, Biden timhtuahnak vialte cu ahnursuan cang lai. Biden team tthenkhat nih an timi cu Nancy Pelosi le Sen, Chuck Schumer hna hi anmah lunglawng an i rinh tiah an ti cang.

Hi konghe pehtlaiin Senator Chuck Schumer nih Trump Impeachment hi rianrang in tuah aduh tiah The Washington Post nih alanghter. Trump impeach tuahnak ah vote thlatu le Republican dang hna zong Democrats cawlcanghnak dirpi dingin ah rian ttuantu House Republican member le Republican Party lutlai sinak No 3 dirhmun aummi Rep. Liz Cheney cu Republican tthenkhat hna nih arian dinhter an timh tiah Fox News nih alanghter.

Liz Cheney hi US vice president, Republican Dick Cheney fanu asi i, Wyoming State in House of representatve caah thimtlinmi asi. Atu ah House Republican conference ah chairperson atuan cuahmah mi asi.Rep. Jim Jordan, Republican of Ohio state nih atimi cu Liz Cheney nih constitution bantukin biakamnak atuahmi zeiah arel lo i, President Trump arawiphir caah arian in aidinh ding asi tiah achim.

Asinain House Minority leader, Trump dirkamhtu asi tawnmi Rep. Kevin McCharthy nih ativemi cu Liz Cheney hi arian ai dinh ahau lo tiah ati ve. Freedom Caucus timi Republican House Member hna nih Liz Cheney cu arian i din hrimhrim seh tiah an ti ve tthan. Khoika hmanh ah kalnak ka ngei lo, Trump impeach nak ah hin vote ka thlak hrimhrim ko lai tiah Liz Cheney nih Politico thawngzamhnak ah a chim.

Republican party hna cu an buai chin lengmang cang, State tthenkhat ah cun Trump dirkamhtu le dirkamh lotu biatak tein an i phomh cang, Congress ah vote ningcang lo tiah a aupi tu House member le Senate member hna cu January ni 6 hnu in khan an mah khua state cio ah an kir dih cang hna, An innpawngah mipi hna nih na rian i ngol tiah tthenkhat hna cu an au hnawh hna. Democrats rap chiahmi ah Republican pawl cu a auh cang rua hna.

Hi konghe pehtlaiin Axios-Ipsos Poll nih Republican chungah ruahnak an lak i, 62% nih Trump nih thimnak kongah acohlang lonak kong alanghter mi cu an dirpi. Senator Mitch McConnell zong nih hi kongah cun Trump adirpi ve. Capitol buainak achuak mi ah 69% nih Trump palh asi lo tiah an ti rih. 91% hi Trump dirkamhtu an si i, traditional republican chungah 46% nih an dirpi lio ah 36% tu nih cun an dirpi ve lo. 96% nih Republican party cu Trump nih a sersiam tiah an ti tthan. Hi chungah 51% Traditional Republican an si. Cun 94% nih kum 2024 ah Trump hi i cuh tthan seh an ti i, cu chungah 41% cu Traditional Republican an si. 42% nih Sen, McConnell an dirpi i, 63% nih Trump an dirkamh ve.

Be the first to comment

Leave a Reply

Your email address will not be published.


*