DALAN PAWL CAAH TIHNUNG SI CANG, AN MIN VIALTE LAK DIH AN SI CANG

Chin mipi sin ah Salai Elishama biacah! April 25, atu ni hi Khrihfa mi nih kan ngeihmi ni sunglawi Zarhpi ni asi. Zarhpi ni zong i pum kho lo Pathian thangthat kho lo in kan tli, kan le, kan zaam. Hi nih a langhter mi cu biaknak lei zalon lo zia kha a langhter mi asi. Kan ram tuanbia kan zoh ah kan nih Chin miphun cu a za lon mi miphun kan si, biaknak lei a za lon mi miphun kan si.

Asi nain Union of Burma kan dirh hnu in atu ni tiang kan biaknak a za lon maw ti ah cun za lon lo. Atu tan kan dohthlennak zong ah hihi aa tel mi pakhat asi. Tu lio kan buruak nan theih, kan theih. Uico Min Aung Hlaing le a kut tang hna nih mipi kan kut cung um nawl ngeihnak an lak i cucu mipi nih kan duh lo. A phunphun in cu nawl ngeihnak cu lak ṭhan kan i timh. Nain, tu tiang ah minung tampi an nunnak an pek cio, minung tampi tlaih le khih an tong.

Hi uknak ṭha lo ralkap pawl zeitin dah kan doh lai tiah kan rak i tim non-violence in kan rak i tim, non-violence a phun phun in kan doh. Nain ralkap pawl naih zeitin dah an kan lehrulh asi ti si ah cun a kan tlaih, a kan thanh, a kan nawn, kan thisen a luang. Tik ah hi dirhmun nih a langhter mi cu non-violence in ralkap hi tei khawh asi lo violence dirhmun ah kan kal, cucu kan hmuh cuahmah mi kha asi.

Non-violence in kawl ralkap kan doh lai timi cu luh asi tiah kei nih cun ka ruah. Cu ruang ah tu lio kan boruak cu kan mah nih kan thah hna lo asi ah cun an mah nih thah ding dirhmun khi kan si. Cu ruang ah ralring tein kan um hau, timhtuahnak ṭha te kan ngeih zong a hau. Kan nih Chin miphun cu miphun pakhat kan si, a za long mi miphun pakhat kan si. Mah tein aa uk mi miphun kan si.

Hihi kawlram chung kan i fun hnu in miphun ngan si nih dotla mi miphun ah a kan cohlang lo. Miphun hme te miphun tling lo ah a kan cohlan, an sal bantuk kan kan ruah. Cu ruang ah kan duh lo i hriam kan tlai. Kum 70 leng kan ram chung ah ram chung ral a tho. Minung tampi nih an thisen an pek, minung tampi nih an nunnak an pek cang nain tu tiang zalonnak kan hmu ma.., tu tiang zalonnak kan hmu lo.

Atu an thisen an pek mi le an nunnak an pek mi hi atu in maw a dih lai.., dih hlah! Atu ah kan mah mino pawl kan rian ah a cang. Tuanbia nih a kan pek, atu kan mah mino caan hi End Game asi hrim hrim a hau. Hi zawn ah hin kan dih ter hrim hrim a hau. Hi zawn ah hin kan tei i Panglong ah kan kir ṭhan hau. Ram pakhat ah ramkhel a ṭhat lo asi si ah cun Education zong ṭha lo, Economics zong ṭha lo. Cucu zapi theih asi.

Cu ruang ah, hitluk kan ram a rawk cang mi hi Panglong ah kan kir pi ṭhan lai mah te khuakhan lai relnak, kan mah tein i uknak cucu kan ngeih ṭhan hrim hrim khi a hau. Cu ruang ah tuni caan ah kan doh mi kan dohtlennak hi mino tampi zong nih kan i fiang a hau. Cu lawng ah cun hihi kan tei ding si. Cun, atu caan ah phungdang kan chim si ah cun kan mah Chin miphun ca/ tlang cung mi kan caah caan ṭha tak tak asi.

Kan duh mi uk nak, kan duh mi cozah ser khawh nak caan ṭha zong asi. Miphun kip cawh nak ram ah Democracy lawng a za lo, Federal zong kan ngah hau. Mah te khuakhan lai relnak kan ngah khonak ding caah a tu tan dothlennak hi kan dih ter hrim hrim kha a hau mi asi. Cu ruang ah, dohtlennak kan tuah ti asi ah cun a pakhat nak kan thap mi cu nunnak hi kan thap. Kan thisen kan thap, zalonnak kan ti mi cu a lak in a ngah lo.

Thisen pek hau, thlan ti chuah hau, rethei hau. Cu lawng lawng ah kan duh mi uknak kan hmuh kho ding asi. Cucu mino pawl kan thin lung cung ah um seh tiah ka duh mi zong asi.Cun atu lio caan ah Party ramkhel asi lo, a nak a sen le a rang thleidan caan zong asi lo. Mi fim mi hurt thleidan caan zong asi lo, atu lio caan hi kan lung aa rual caan asi awk asi. Tu lio caah hi kan doh mi ral pakhat kan ngeih lio caan asi.

Cu ruang ah pumpak pakhat le pakhat karlak ah huatnak, bu pakhat le pakhat karlak ah huatnak tbk aum lo ding zong ah keimah nih sawm chap kan duh hna mi asi. A donghnak ah biacah kan duh mi hna cu, DALAN pawl.., nan mah ruang ah kan mino tampi an tliah hna, hrem an tong, nan mah ruang ah tlaih le khih tampi kan tong ti kha rak philh hlah., nan min vialte nan inn vialte list kan lak dih.

Atu caan cu nangmah caan asi cang., na in na tuar hrim hrim te lai, rak zoh te. Lai mi nih kan ngeih mi zawnruahnak, thlachiat ruahnak vialte a dih. Nan caah ṭih nung dirhmun nan si cang, cucu rak philh hlan. Cu ruang ah kan in zoh sawh sawh ti hna lai lo. Nan nunnak maw nan pek lai, nan inn le nan lo maw nan pek lai, nan chungkhat tein maw nan thi dih lai kha kha rak ruat cang ko uh.Video: Hakha Campaign For Justice. CCNC

Be the first to comment

Leave a Reply

Your email address will not be published.


*