Cu Tluk Tam Cu, KIA Nih Kawl Ralkap Rel In Minung 500 Leng An Thah Hna.

Nizaan ah khan KIA mipi ralkap pawl doh hna ding in Min Aung Hlaing hruaimi ralkap pawl cu Kachin ram lei ah tam taktak an kal. Kachin ram hmun tampi ah Min Aung Hlaing ralkap pawl cu an i thenthek dih hna. Cun Ralkap minung 800 cu KIA hum liomi Alaw Bum Sakhan lei ah an kal.

KIA troops attend training at the group’s headquarters in Laiza, Kachin State, in November 2017 (EPA-EFE)

A si nain KIA lei cu an tei hna lo lawng si loin Ralkap 500 cu KIA nih an thah khawh hna pin ah 300 hrawng cu China ramri lei ah an zam dih. An meithal le an thilri zong an zam tak dih ti a Hi kong he pehtlai in Pencilo nih “Min Aung Hlaing hruaimi ralhrang cu lih in mipi hlen an i tim. Alaw Bun Sakhan kan lakkhawh tthan ti bantuk hna in thawngpang dik lo an thanh i mipi thluak ttawl an timh. A si nain thawngpang dik kan chim hna lai.

KIA troops attend training at the group’s headquarters in Laiza, Kachin state, in November 2017 (EPA-EFE) 

Alaw Bun Sakhan lak tthan ding in ralkap minung 800 cu an kal ko. A si nain KIA lei nih fawi tuk in an den hna, Min Aung Hlaing ralhrang 500 cu KIA kuafang in an thi, vawlei non ah an i cang i a dang 300 cu uico bantuk in ramri lei ah an zam. Hi thawngpang hi a dik mi asi, ka zum ko uh” tiah a tarlangh hi a si.KIA nih nizaan le nihin zing lawng ah a tlawmbik Kawl ralkap Sakhan (2) an lak chap. Kachin ram chung a um mi Kawl ralkap Sakhan pawl cu pakhat hnu pakhat in an lak cuahmah cang. Atu tiang ah hin ralkap a thi mi milu hi a tamtuk hringhran cang laitiah neihniam tein a cuan mi pawl hmuh ning cu asi

Be the first to comment

Leave a Reply

Your email address will not be published.


*