CNLD NIH HI BIA AN CHIM A SI AHCUN LIH BAK AN CHIM ASI

CNLD phu nih Chim lo ding lih chiahru pahnih.Chin party CNLD ca ah cozah ser khawhnak lam a um lo, ‘cozah kan ser lai’ an ti ahcun lih an chim a si. Cozah sernak a herhmi Pyine MP 13 an ngah kho lai lo, pohmah 261 nih a kham fawn hna.

Cun, ‘federal ram kan ser lai, Kawlmi uknak in kan in luatter hna lai’ an ti ahcun lih chiahru taktak an chim tinak a si fawn. NLD hmanh nih an remh khawh lomi 2008 Constitution khi CNLD nih a remh khawhnak ding lam a um bak lo.

Nain,CNLD cu kan uar pek uar lo pek ah Chin aiawhtu party pakhat a si, an sung dih ahcun Chinmi kan limhang a zor lai. Hluttaw ah opposition an um lo ahcun cozah eihmuar a tam kho. CNLD an thawn pah ve cu a hau, nain rumro in Suu Kyi a dohtu an si lo a biapi ngai ve.

Suu Kyi le Gen. Aung San hna an doh tawn ah khin cun ‘mah hngal lo’ an sinak a lang tawn.Hluttaw chung in dothlennak cu Suu Kyi nih a kan hruai lawng ah teinak ‘federal ram’ kan phan kho lai. Party hmete CNLD bantuk nih nanmah te in federal kal hnawh u law nan thih tiang nan hmu kho lai lo, 100% a fiangmi a si. By Salai Lung Thli Tum

Relchih:CNLD le Tedim-Tonzang Peng CNLD in MP aa cuh hnga dingmi hna min le hmunhma hna zoh tikah lung a nuam lo ngaimi a um.Tedim peng ah MP hmunhma panga a um i CNLD nih hmunhma pahnih lawng ah cuh an i tim. Minung an um lo maw a si hnga?? Kan i cuh zong ah kan tei hlei lai lo, i cuh lo a ttha deuh tiah an ti maw a si hnga?

Tonzang peng ah MP hmunhma pali a um i CNLD nih hmunhma pahnih lawng ah cuh an i tim. A cuh ding minung maw an um lo? I cuh zongah santlai lo a si tiin dah an ruah a si hnga? Tedim le Tonzang peng cu CNLD hotu pakhat a si ve mi Pu Zo Zam hmunhma a si, ti khawh a si. Hotu pakhat a ttuan ve mi nih amah a aiawhnak hmunhma ah atu bantuk thil a can mi hi, zeitindah a ruah hnga?

Hi tluk Hakha-Thantlang le Falam peng ah MP cuh an duh i, hmunhma an i cuhnak ah khuaci an hmuih lioah Tedim-Tonzang peng ah hmunhma 9 ah hmunhma 4 lawng ah i cuh cu.Atu tan thimnak ah Pu Zo Zam nih teinak a hmuh lo ahcun voihnih a pehpeh tein thimnak ah teinak a hmuh lo a si cang lai caah hotu pakhat sinak dirhmun in tttuanvo lak duhnak thinlung ngei kho cang sehlaw a ttha tuk hnga tiah ka ruah.

Zaukphung hmannak ram ahcun thimnak ah anmah an sungh ah maw, an aiawhmi party an sungh ah maw, hruaitu nih ttuanvo an lak tawn. Hotu an sinak dirhmun in aho fial lo tein an i din tawn. Credit:Nathan Pa LD Hmung.