CNLD CAAH THAWNGPANG TTHA TAKTAK A CHUAK CANG

Halkha Peng CNLD Lei Thawngpaang Tha Taktak Theih A si. Zeimawcan cu candidate tlinlo ruangah lung ihmuhthiamlonak tete a um i independen in a dir ding tiang in a um mi,”Pu Ngun Maung cu CNLD in pyithuh hluattaw in ai cuh lai.” Pu Robin kha Amyotha si lai.” Pu Chan Tin Mang kha cozah rian a ttuannak in pensen a lak ning kha a tlam a tlinlo caah Disqualified asi.

Cucaah Pu Chan Tin Mang zaka ah khan Pu Robin cu Anyotha hluattaw 2 in CNLD min in ai zuam ve lai i, Pu Robin dirnak ding hmun ah khan, Pu Ngun Maung cu a dir cang lai.Pathian nih a caan te ah thil a van siamrem lengmang ko i,thil tha lei an panh lengmang ko hih.Mahbantuk in NLD lei zong an isiam rem kho ve ngai cang hna ti zong kan theih chih fawn. By Tin Duh Thang

Relchih:Chin ram teinak hmumi party poh nih tuah hrimhrim ding. Thancho timi hi zeidah a si tiah i hal cio u silaw mi cheu nih fawizaang tein kan leh dingmi cu Lam, Mei le Ti , Inn thatha ngeih tiah kan ti lai. Mi cheu ve nih Fimnak lei ah Degree sangsang ngeih tiah kan ti hnga. Hi hna hi thanchonak muru taktak cu an si lo. Nihin kan Lairam ah Tidil, Lam, Ti, Mei le Inn thatha kan ngeih ruangah kan ram a thangcho bak ti awk a tha lo.University pakhat ngeih ah a thangcho ngaimi ram ah i ruah awk kan tha lo.Ruah a herhmi cu “cu kan ngeihmi thilri pawl nih zeitluk in dah mipi a kan cawm ti le riantuan ding tah a kan pe maw,? ti hi ruah a herh.

Ngeih le um tiang lawng a za lo.Siloah thancho kan timi cu zeidah a si, zeitindah kan tah lai ti cun, a tahfung hi Lam le sil an si lo.Zeitindah mipi an nun i an i cawmken ning timi khin zoh a herh. A fawinak kan chim cun mi pakhat cio nih pawcawmnak lam an ngei maw, mipi riantuanmi zeizat dah an si ti khin kan zoh a herh hnga.USA ram kan zoh si cun an ram ah rian a tuanmi hna khi 2018 ah 155.76 million an si i kum hnih hnu 2020 ah 158.13 bak rian a tuanmi an si.

Kum 2 chungah riantuanmi 2 million an kar.Zeitik hmanhah US khi a thanchonak a tla ti awk a tha ti lo. Riantuan ding tamtuk a ngeih. Milu 331002651(2020) an um i a buaktlak in riantuanmi khi 54.60% an si, 64.70% tiang an phan bal. Chim duhmi cu an milu tam deuh cu caan hman te riantuanmi an si hna.Kawlram kan zoh ve si cun 2019 ah khan riantuanmi percentage khi 16.15% an si ti si (World Bank record).

A sangbik hi 2010 ah si kaw 17.69% a rak phan.Kawlram chung lakah kannih Laimi hrimhrim cu sifak bik kan si tikah rian ngei lo kan tamtuk rih ning Percentage hmanh in tuak awk kan tha lo. Kan Cozah zong nih rian kong ah report an pe bal lo. Nai ah kawlram cozah riantuan ning cuaithlai tu phu chim ning cun Lairam cu a niam taktak khi si. A thangcho lo bik ah um ko khah.

Kawlram ah milu 54409800 kan um i 100 ah minung 16 lawng caan hman te rian a ngeimi le a tuanmi kan si.Cucaah thancho kan timi cu rian tampi ser i cu rian cu rammi nih pawcawmnak ah hman khi a si. Zeiruang ah dah khi tluk kan Lairam a thangcho ve ko kan ti len nain ramdang, hmun dang nak in Ranking a niam zungzal ti cun mipi tuan ding rian poi a um lo cu.A kan hruaitu ve zong nih mipi caah rian ser piak si loin sianginn le tidil le lam le mei biapi ah an chiah.

Zapi an tuan kho ti lo. Kawl deuh nih lu le ban an tlaih dih. Laimi thiamci an si hoi lo.Cucaah atu cozah thar chuak mi nih cun zeibantuk Party nih teinak hmu ai kun hna, mipi nih tuan khawhmi rian tampi an chuahpi, an ser a herh. Cu hnu ah kan ram a thangcho lai i thancho dik timi cu a muisam kan hmuh lai. Atu kan ram athangcho kan ti len komi cu holh kho deuh le a zer deuhmi le cozah riantuan pawl ca lawng a si.

Chungkhar tam deuh voikhat meh ding voksa cawk duh ah mi pakhat nih nihnih in nithum hlawh a hlan a herh. Cu hmanh cu rian a um lo a tam. Kan ram kan sifah khi, catang kan ngeih lo lawng si lo tuan ding rian a um lo ruang ah si.Ramtha kan timi hna zong hi a tak cun an vawlei a that ruangah a si hlei lo, cozah nih rian tampi a ser piak hna.

Minung kip nih anmah le thiammi rian an tuan dih.Cucaah cun an ram ah sifak ei awk ngei lo ti an um tuk lo. Cozah nih rian a tuan khomi poh an duhmi a tuah ter hna, a bawmh hna. Loan a pek hna. Rian an tuan dih tikah khat lei ah rian a tuanmi kip nih cozah an bawmh lila than, Tax an pek dih.Cu bantuk cun tutan kan Lairam cozah thar chuakmi nih cun rian tampi kan tuah piak hna sehlaw rian a tuan kho poh nih tuan cio hna seh, ramdang Unau bawmh le zohkhenh ti zong a hau lai lo. Note: Keimah pumpak hmuh ning a si. Credit: Tluang Ceu Thang