CNLD AN SUNGHNAK ARUANG FIANG TEIN THEIH ASI CANG

Tukum kawlram pumpi thimnak, abik in Chinram ah mipi nih zumh bikmi le teinak an hmu lai tiah ruah bik mi cu CNLD hi an si. Asinain ruahning le zumhning bantukin thil akal tilo i, Vaangkau in NLD nih teinak an hmuh. Hithil hi minung tthenkhat caah cun khuaruahhar ngaingai khi asi lai nain tthenkhat caah cun khuaruahhar ding aum lo.

Zeicaah tiah aruang a um. Cucu tawifiang tein kan vun langhter lai. Zapi nih kan fian dingmi kawlram pumpi thimnak ah hin cozah tlaitu dingah NLD cu ahopaoh nih zumh mi party pakhat asi. Zei caah tiah NLD party lutlai hna khi a fawinak cun rampi minung caah dingfel tein rian attuanmi an si i, a bik in Aung San Suu Kyi hrimhrim upat tlak taktak asi.

Sihmanhsehlaw kanmah State cio ahcun cunglei an ttha ti pat in cunglei ah kan um ding asi lo. Aruang cu cunglei nawl loin zeidah kan tuah khawh mi a um timi hi tuanbia nih aa kan chimh. Mah le ram chungah mipi caah rian attuan kho lomi an sinak cu kum nga chungah theih dih asi ko. Sihmanhsehlaw cuthil cu kan ifiang hrimhrim kho rih lo Chinmi hna nih.

Laitlang NLD nih zeihmanh Laitlang caah tuah dingmi phung le lam an ngei lo timi cu theih dih asi. Cu kan thei ko nain Zeiruangah dah NLD nih tutan ah teinak an hmuh khawh ning asi timi ruah ngaingai ahau. Aruang bik cu kan ram a chiattuk ruangah siseh kan ram Chinram a sifahtuk caah asi ko. Ralkap uknak in luatnak aa kanpe kho tu cu NLD lawng an si timi hi ahrut thingfung tleih in kan i tleih.

Chim dingmi tampi a um kan lanhtak lai. Tutan Laitlang ah CNLD an sunghnak aruang bik cu acung ka chim bangin hawi theih kan theih khawh lo caah nupa pipu thinlung mitthlam ah NLD a cuan caah asi. Theihcio bangin Laitlang khuate tthenkhat siseh khuapi zohtikah kan nu le kan pa kan pipu hna hi thil sining zeihmanh an thei kho ti lo.

Pakhat pa nih a chim ning le bang cun NLD in mihrut hmanh Laitlang ahcun i zuam sehlaw teinak a hmuh lai tiah a chim. Chim duhmi cu Lailtang ah hin thil sining adik hmanmi kan theih lo caah a hrut thingfung tleih in NLD kan tinak hi a si. NLD chungah zeibantuk minung dah an i zuam timi zong kan ruat kho tilo. NLD a simi paoh cu zeitluk eihmuat a tuahmi an si zong kan dirpi hna.

Acung ka chim bangin chimding tampi a um. Tutan Lailtnag CNLD an sunghnak aruang bik cu thilsining a theilomi kan nu kan pa, kan pi kan pu an tamtuk caah asi. Cun CNLD an sunghnak pakhat cu tulio zawtnak ruangah mipi theih in thil sining khuakip ah chimphuan nak caan an ngeih lo ruang ah a siko timi hi vun chim ka duhmi asi. Note. Chimding atamtuk nain atawinak in ka vun langhter. By, TB. Credit: TB

Be the first to comment

Leave a Reply

Your email address will not be published.


*