Chin State Nih A Laan Cik Cek Ko Hme Hi

”Chin State Nih An Laan Cikcek Hna”
Mizoram hi late 1970s hrawng ahkhan Brig. Ṭhen Phung Sailo ( T.Sailo) hruaimi PC ( People Conference ) Party an ṭhawn lio caan ah T.Sailo hi CM a rak si.CM a ṭuan chungah project ngan ngaimi ”Bairabi Hydel project”( Bairabi Tuikhuah, tidil) initiative ( biatung dirh) a rak tuah. House chung zongah an passed khawhmi bill ah a hung cang. Mizoram dinti peknak ding a si. Mizoram caah cun thil ṭha taktak khi a si. Survey zong an rak tuah dih manh cang .

A tawinak in ṭial ko laang.PC party kha next election ah an tla i pu Lal Thanhawla hruaimi Congress(I) party an hung ṭhawng.Pu Lal Thanhawla cu CM a hung si ve tikah, tuan deuh i PC Party nih initiative (Biatung dirh) an tuahmi ”Bairabi hydel project” kha pehzulh a duh ti lo.A umtuning cu PC Party nih hram an rak domhmi a si tikah…aa nautat maw hngal hlah, asilole PC Party min a laar lai kha a ruat kho rua lo.Cuticun Congress(I), pu Lal Thanhawla chan chan 2 tiang ( kum 8) ”Bairabi hydel project” pi cu ṭuan ti lo in le pehzulh loin a um lan.A dang project thar tu aa ot.

PC party nih biatung an rak dirhmi kha Congress(I) nih hngiphngap tiah rak pehzul hna sehlaw..Mizoram cu dinti ah hawihngar in an rak um hnga lo…Cu he aa lo nawn in, USDP chan ( 2010-2015) ah CHIN kan MIPHUN PARTY a simi TT, CNDP MP, Pi ZA TLEM nih BAHU HLUTTAW ah initiative ( biatung a dirhmi) , Chin State ah Vanlawng bual kan herh zia le tuahpiak ding ah biatung a dirhmi kha USDP chan BAHU HLUTTAW nih an pom piak. Cun next election ah USDP cu an tling ti lo,CNDP MP Pi Za Tlem zong MP a tling ti lo nain a biatung a rak dirhmi USDP chan HLUTTAW nih an rak pom piakmi kha 2015-2020 ah acozah a ser khotu NLD CM ,Salai LIAN LUAI le VP 2, Pu HENRY VANṬHIO nih i nautat lo te in an pehzulh tikah nihin ni Oct 27 ,2020 ah cun Chin history ah a um bal lomi, SURBUNG Vanlawng bual ah ATR 72-500/600 Vanlawng cu a voi 1nk test nakah him tein a ṭum kho cang.

NOTE: Mahka zawn ahhin cun Mizoram state cu Chin state nih ṭanrual lei ah cun an laan cikcek hna ti khawh a si. Chin miphun dihlak in Lunglawmhnak zapei bengh a phu taktak

PPP.
CANADA..

Crd: Tawk Cung

Be the first to comment

Leave a Reply

Your email address will not be published.


*