CHIN MIPHUN NI TUAHNAK AH RALKAP COZAH NAN I TEL AHERH LO

Ralkap cozah nih Chin Miphun Ni tuahnak ah nan i tel ve aherh lo: Chin Miphun Ni hi Miphun pakhat sinak kan identity taktak asi. Hi ni sunglawi hi kanmah chin mi te nih ahram thawk in adawngh tiang tawlrel ding in kan pa le tampi nih a rak kan au piak mi le mipi zong nih mahte in hi CND cu i tawlrel kan duh mi asi.Aluan cia caan kan zoh tik ah ralkap nawl ngeihnak a tlau thlu lo caah cozah tlai mi poh hna nih an tawlrel.

Ralkap chan, USDP chan le NLD chan zong ah chin mipi nih kan i tawlrel kho taktak lo.NLD cozah chan zongah phunghram tang ahcun ralkap nawl ngeihnak atlau khawh lo caah a si khawh ningin tuah asi ko.Afu Chin cozah hna cu, ram mipi le ramdang hna zong nih cozah pakhat sinak in theih pi mi le cohlan mi an si lo caah hi theih pi lo mi ralkap cozah nih man ngeituk mi CND hi aa kan tuah piak aherh lo.

CND tuahnak zongah an ruahnak siseh an zei hmanh an i tel aherh lo. Mahte in hi ni sunglawi i tawlrel kan rak duh tuk mi asi. Atu cu cozah loin kan um,bantuk asi ko caah ralkap cozah nih cozah ai awh phun in aa kan telpi le hruai aherh lo.Hi puai ni ah humhimnak security siseh, ralkap tang cozah lutlai hna zong hmunhma le caan pe hna hlah usih.

Chin ramkulh Chief Minister Pu Ngun San Aung zong biachimnak pek a herh lo. Ralkap cozah le CND pehtlaih aherh lo. Cu caah 20 february 2021 ni ah Chin Ramkulh Hakha ah CND tuah asi lai caah CDM langhter bu in tuah ah atha deuh.Tutan cu Ralkap cozah chung in lutlai an i tel lai caah kei cu ka hmang lai lo ee,, kan inn te ah ka hmang ko lai. By: Rolian

Relchih:Hmailei ah nan Khua caah nan pengtlang caah tiin bawmhnak tor le cheng an kan pek te kho men. Bawmhnak pek ahcun an cohlan ko lai I kan lem kho ko hna lai tiin a lam kip in an i zuam len ve lai caah uknak tha lo hram hram uknak in a kan hruaitu hna nih khua ca siseh ram le miphun le pengtlang caah bawmhnak pekmi poah lak lo a tha. Lam chunhpiak siseh ti le mei siseh a phunphun in an i zuam len lai nain tutan kan tuah cang mi CDM ah luphum le zumhtlak tein pehzulh hram ko u sih.

Hawidang CDM ah i teltum in rian le khai le pawlcawmnak kaltak in lamzawh mi hna lakah mah zawn lawng i ruah in Zung a kai ko mi le CDM ah aa teltum duh lomi minung cu a dam lomi kan si tu i theih bak ding a si.Lungdongh loin kan pehzulh ahcun a phi tha a chuak te tikah mi hmai kan khap lo sual lai caah tu bantuk caan hi miphun le ram caah kan tuah khawhmi cu CDM ah i teltum hi a si caah mah te tal hi cu na tuanbia naa chimh ve awk ah rak i tel ve hrim ko uh.

Cozah si in zei bantuk rank kaiter le bawmhnak vialte pakhat hmanh cohlan lo ding a si. Chin miphun caah tuah ka duhmi a tam tiah a titu SAC zong Chin miphun nih kan cohlanpiak lo ahcun Chin miphun caah tuah a duhmi zeidah a tuah khawh taktak a langh te ko lai. Cozah cu mipi Cozah an si i mipi nih duhlo ahcun Cozah cu zeidah an tuah khawh khe lai?Kan tuah cangmi cungah lungsau thinfual in a dihdongh tiang ttang ko u sih

Be the first to comment

Leave a Reply

Your email address will not be published.


*