THAWNGTTHA TAKTAK A CHUAK CANG DIRKAMH DIH HNA USIH ATTHATUK HIH

Tutan cabia cu Chinmi vialte hna nih kan dirkamh hrimhrim ahau cang. Thatein vun rel cio hmanh uh Chinmi caah abiapi taktak chunmang asi ko. Hitihin tutan timhtuahnak an ngeihmi kong pektlaiin alanghter. Dr. SaSa Chunmang, dirpi hna uh sih. Vice President U Henry Van Thio Center Government Kum 5 a tuan chungah zeitluk in dah Chin State a than cho ti cu kan theih cio mi asi. 2020 to 2025 zong ah Center Government, Naypyidaw ah Bawi a tuanthan rih lai i, Dr.SaSa nih U Henry Van Thio he riantuan ti dingin tinhnak nganpi a ngeih mi cu Chin State thanchonak le Chin miphun a kan dawt caah asi.

Dr.SaSa nih ai tinh mi cu a tanglei hna hi an si. Pakhatnak ah Chin State 9 Township ah International Hospital dirh ding.Vawlei cung Sibawi sangsang a hawi le rat ter in Chin State ah an fimnak le an thilri tha tha vial te kan hman lai i, Chin State Myo 9 ah Minthang Sizung kan ngei kho lai.. Kawl ram chung in siseh, Ramdang in siseh phaisa ngei mi poh nih damnak ruah ah Chin State ah an van kan fuh ve cang lai. Laitlang thlithiang cu an damnak ah an hman lai i. Vawlei cung minthang damnak State pakhat ah kan ser lai.

Pahnihnak ah Government (cozah) Sizung vialte le khuate si inn vial te caah UN le Pehtleihnak a ngeihmi hawi le kom sin ah a herhning zat in bawmhnak tuahpiak ding. A tanglei hi kan fianter than te lai. Chin State 9 Township ah fimthiamnak cawnnak International School tuah dih ding.Government School vialte ah hngakchia chun ah inn tin lo in chuncaw free tein pek khawh ding.

Government Cozah sianginn fimcawnnak san ter ding. Tidim, Hakha, Thantlang, Paletwa le Mindat ah World Bank Phaisa hman in Airport tuahpiak ding, Cozah le world Bank phaisa hman in Chin State lam vialte ser dih ding. Chin State Mei ceu ter dih ding.Mah le holh philh lonak ding caah cawnnak le Radio line tuahpiak dih ding.

Tourism/ Ramchung ram leng mikhual lennak zohdawh le interest serding. Hotel( tlunnak )le eidin chumhchuanak international level in training cawnnak tuah ding.  Cun a dangdang tampi a um rih kan van langhter than te lai. Credit.Peter Ngun Za Cung.

Biapeh: hibantuk in Laimi or Chinmi hna nih kan i bochan taktak mi hna nih an chunmang an manh mi hi a sawhsawh a si hrimhrim lo. Pumpak siseh a khua siseh a miphun tiang nih kan dirkamh taktak dingmi an si. Cucaah zeibantuk thil hmanh siseh Chinram caah chunmang amanhtu kanpa le thiltuah khuakhan mi hi nang le kei nih kan dirkamh hna ding asi i, tlamtlinnak zong um hram ko seh tihi ka saduhthah asi. By John Mang Bik

Be the first to comment

Leave a Reply

Your email address will not be published.


*