CHIN CHIN PEKTHANG KONG BIACHOKVAI KHA A HMAN LO MI ASI

Chimphuan Caan Acu Cang Cuta. RASU ( Rangoon Arts & Science University) ka kai chung 1981-1985( kum 5) ahhin ṭhaal sianginn khaar ( March-April) fatinte Rangoon Sianghleiruun Hakha Siangngakchia Bu ( Thantlang le Hakha kan rak i fonh dih ) min in Falam, Hakha le Thantlang ahhin kan Bu Fund caah STAGE SHOW tuah in kan tlung tawn hna.

Kalay Myo lei in tlun a rak si zungzal ( Hakha-GANGAW lam a rak pem rih lo). Falam ah kan tuah hmasa bik tawn, cun a dotdot in Hakha, Thantlang ah stage show kan rak tuah peng hna. Falam ah stage show kan tuah fatinte Falam ah khua a sami kanmah Hakha, Thantlang mino nih hin TICKET zuar hi tuanvo an rak kan laakpiak dih zungzal.

Zung( office) vialte le Falam bazaar chung le chawdawr kip ah kan ticket cu an rak kan zuarpiak dih tawn. Falam ahhin Thantlang nakin ticket man kan hmuhmi hi a rak tam deuh zungzal. Atu tiang kaa cinkenmi ah Falam ah biatak tein ticket a kan zuarpiaktu chungkhaar pahnih hna cu pu PEK THANG ( Thantlang, VANZANG khua kek) Fanu, ngaknu pahnih CHINCHIN PEKTHANG le a naunu tleicia HAPPY PEKTHANG hna le

Pu. CIA TO ( Hakha kek) fanu pahnih, ngaknu ṬIAL TANG ( Tangtang)@Pu.San Tin Mang nupi le a naunu IANG HLEI ( iangiang) khi an rak si peng. An inn veve zongah mi zeimawzat cu kan rak i ṭhum tawn hna. NOTE: Chim duhmi cu nai hrawng i Thantlang ah bia chokvai a leengmi, CHINCHIN PEKTHANG cu a ngakchiat te in Falam ah khuasa an si i, Thantlang le Hakha sinah dawtnak le siaherhnak le zawnruahnak a ngei lo, timi bia chokvai kha a dik lomi a si..ti hi a si ko.

Kum 40 kuakap a rauh hnu 2020 ah cun a chuahkehnak taktak a simi Thantlang peng in, a Miphun party a simi CNLD ticket in MP aa cuh ve cang lai. Chinchin ,RASU chuak Ramchung, Ramleng le Ramcung, Ramtang he kan umnak hmun cio in le kan thiamnak le kan ti khawhnak cio in kan in DIRHKAMH ko.PPP. CANADA

PHOTO: Falam Stage Show kan kainak hmanthlaak ka sin ah a um lo.Pu Zing Cung of CNF ( kan Bass guitarist)sin le Rev.Rollin Van Bik( kan Lead guitarist) sinah a um kho men.Kei hi Rhythm guitar a rak tum pengtu ka si.1983 Falam Stage Show lio hmanthlak ka ngeih lo caah 1983 Hakha Stage Show kan kai lio hmanthlak ka rak taar. Credit: Tawk Cung

Be the first to comment

Leave a Reply

Your email address will not be published.


*