CDM TTHAWNNAK CAAH ABIAPI TAKTAK MI A CHIM PHUAN CANG

CDM thawnnak caah caan karlak cozah (Interim Government) ser a herh. Tuzing Dr.Sasa VOA interview an tuahmi ah caan karlak cozah (interim government) dirhnak kong a thluamtlam in a chim. Fully support ka pek hna.CDM a thawn khawh chinnak ding le pehzulh khawhnak ding ahcun caan karlak cozah ser a herh. Caan karlak cozah a dir khawh ahcun ramdang palai thlahmi vialte zong ramkip nih rak cohlan dingah lam ai awng lai.Ralkap thlahmi palai pawl an cohlang hna lai lo.

Cutikah ramdang pressure nih ralkap cu mangkhong bantukin pakhat hnu pakhat in a nenh hna lai.Cun UN zongah phung ning tein bia chimnak nawl an ngei kho lai. NLD party nih tulio kan boruak ah caan karlak cozah dirh duh loin 2020 thimnak ah mipi thimmi teitu kan si ti lawng an i tlaih ahcun ram pumpi dawtnak nakin power lawng a duhmi Party zong an lo sual lai.

Ralkap dohnak ah NLD lawng in a si khawh lo zia cu a fian ko caah lam thar kawl an hau.NLD nih Rakhain mipi an lung an ton lo mi hna tiang ruah ahcun caan karlak cozah ser khawh ahcun lung i hmuh thannak lam zong a um kho men. Caan karlak cozah ahhin Daw Suh le President cu house arrest in an um caah anmah tel loin a si kho maw? timi bia halnak a um kho.Cucu anmah NLD lei hruaitu biakhiahnak a si lai.

Tlangcung mi mifim tampi an um i anmah zong caan karlak cozah ah an i tel ve a herh. Cutik lawngah 2008 phunghram ah kir ti loin kawlram mipi vialte nih ralkap thahri hram vialte hrawhnak ding caah CDM cawlcanghnak kan tuahmi ah a kan funtom chin chin lai. Kan i hmuitinh mi tlamtlinnak taktak tiang phak ding ahcun hruaitu kan herh i cu a kan hruaitu ding ahcun caan karlak cozah ser hi a phi (solution) a si ti hi keimah pumpak ruahnak a si. Credit: Salai Tin Maung Win.

Abiapi taktak:Ralhrang tiah official in CRPH nih a thanh diam: CRPH nih SAC cu Ralhrang phu (Terrorist group) tiah nihin zaanlei ah Official in thanhnak an tuah, Vawleipi hmai Ralhrang phu nih Ram mipi thah an kan timh cang tiah a thanh bantuk a si cang. Ram mipi an kan veng lo, an kan thah, thisen an chuah, hnanawh nak an kan pek, kan nunnak a him lo. An cawlcangh ning zoh tikah Ralhrang phu a si tiah official in thanhnak cu CRPH nih a tuah lawlaw hi asi.

Min Aung Hlaing hruaimi Ralkap Council cu Ralhrang phu(Terrorist group) ti an si cang caah Ram mipi nih venghim tu hriamtlai kan ngei ti lo. Tlangcung miphun hriamtlai pawl tu hi phungning tein an kan vengtu hriamtlai phu kan i ngaih mi cu an si cang ti khawh asi. Min Aung Hlaing hruaimi Ralkap Council pi cu Ralhrang phu tiah official in thanh a si cang caah, rian a khin mi hna a cohlang mi minung paoh zong Ralhrang phu an si ve cang.

Cu lawng hlanh CDM ah aa tel duh lomi Cozah rianttuan dihlak zong Ralhrang phu a bawmtu, a cohlang tu an si cang ti nak a si. Chin miphun (Tlangcung miphun) kan caah caantha tuk a si cang. Cozah kan ngei lo, hruaitu mumal kan ngei ti lo. Cu caah kan mah le ramkulh (State) cio ah Independent phuan khawh a si (Or) Union of Burma ah kan um hlan, Independent hlan ah British nih an kan ser piak mi Chinland Constitution ning in kan i uk/hruai ve cang lai tiah Mindat bantuk in thawngthanhnak tuah ve cio ah a tha chinichin cang.

Cu bantuk in Tlangcung hmunkip zong nih Union of Burma ah an luh hlan i an rak hman mi phung ning in kan i uk/hruai ve cang lai tiah thawngthanhnak an tuah ve cio ahcun teinak lam a nai ti khawh asi. Kan hriamtlai (CNF/A) nih khuapi khuate ah venhimnak zalong tein tuah hna seh, Chinland Constriction ning in kal ve cang uh sih tiah ahcun a lam a kau deuh ngai cang ko rua. Credit: Salai Cung Dawt

Be the first to comment

Leave a Reply

Your email address will not be published.


*