CDM ATUAH LOMI COZAH RIANTTUANTU CU AN LO KO CANG LAI HIH

Wow, a sunglawi taktak mi thawngpang thanhnak an tuah cang. CDM atuahmi cozah rianttuantu hna caah thawngpang ttha taktak asi i, CDM atuah lomi cozah rianttuantu hna caah cun thawngpang chia ngaingai asi cang ko hi. Tulio kawlralkap nih uknak an lakmi cungah cozah rianttuantu minung tampi hna cu CDM ah an lut hna.

Sihmanhsehlaw cozah rianttuantu chungah CDM alut lomi minung tampi an um hna. Asinain tutan ah Mipi thimmi cozah nih thleidannak lungthinput he thawngthanhnak a tuah ruangmang cang. CDM atuahmi cozah rianttuantu hna cu an caah a sunglawi taktak. Cu ve rualrual in CDM atuah lomi cozah rianttuantu hna caah cun thawngpang chia taktak asi ko cang hih.

Kawlralkap nih hramhram in hriamnam he i bochan in hmai an nawl cuahmah mi cu CMD tuahnak in mipi hna nih hmunkip kaakip ramchung a ummi vialte hna nih an doh cuahmah. Cu chungah cozah rianttuantu minung tampi zong an i tel hna. CDM cawlcanghnak cu tuthla dih in an phihkhar cang lai tiah an langhter cang.

Cozah rian attuanmi chungah CDM a tuahmi hna cu an caah thawngpawngttha asi cang. Mipi caah rianttuantu ttha timi pek an si cang hna lai. CDM ah aitel loin mipi duhnak a zullo mi cozah rianttuantu chungin CDM ah aa tel lomi hna cu an cungah fak ngaiin dantatnak pek an si cang lai tiah an langhter ko cang. CDM atuahmi cozah rianttuantu hna caah cun asunglawi taktak mi thawngpang asi.

No photo description available.

Cozah rian attuanmi chungin CDM ah mipi he cawlcanghnak atuah mi konghe pehtlaiin tutan ah thawngpang ttha taktak mipi thimmi cozah hruaitu hna nih thanhnak an tuahmi cu tlamtling tein a cunglei ah kan vun langhter mi hmanthlak hi asi i, mah konghi thatein vun zoh cio tuah ulaw zeitluk indah an i thlau timi cu theih khawh asi. CDM ah mipi he dirtti ko hna usih tiah forhfialnak zong an tuah chih.

Relchih:Kawlram ralhrang hruaitu lutlai Min Aung Hlaing nih a hruaimi ralkap pawl nih mipi meithal in an kah hnanak ah an ralbawi pakhat a nu cu an khen sual tiah Khit Thit thawngzawmhnak nih a langhter. Mah thil hi Nizan march ni 20 zahan zan ah a cangmi thil a si tiah a cunglei langhter mi media or thawngzamhnak nih alanghter chih.

Magwe ramtthen a simi Kankaw khuapi chungah kawlralkap ralhrang pawl nih khuachung minung mipi hna cu meithal in an kah hna, Minung umnak inn zong meithal in an kah chih hna. Cu ruangah inn chungah daitein a um komi tarnu pakhat cu meithal kuanfang nih a fuh tiah an chim. Ralhrang kawlralkap le palek hna kuan fang nih a fuh mi hi Daw Ung Myain asi.

An kahmi Daw Ung Myain hi kawlralkap ralhrang hna nih hluttaw palai ah an thlah tawnmi zong a simi ralhrang kawlralkap palai Duh huhmuchoh Zaw Htun i hringtu a nu asi tiah an langhter. Zan khuamui ka hrawng a si caah leng zong a chuak mi asi lo. Ralkap ralhrang pawl nih khuachung mipi hna tlerhnak nak ah tiah meithal an puah.

Cu tikah ralhrang kawlralkap hna nih mipi an umnak pawl cu hruhru hranghrang in an kah hna caah ralkap bawi biapi taktak a simi hringtu a nu cu kuanfang nih an khen diam. Asinain a nunnak caah cun ttihnung tuk cu a si lo tiah an chim. Tutan ralhrang kawlralkap cawlcanghnak ruangah ralbawi biapi lila i hringtu a nu an kuan fang nih a khen tikah mipi hna cu lawmhnak in an khat tiah minung tampi nih comment an pek.

Be the first to comment

Leave a Reply

Your email address will not be published.


*