BREAKING NEWS:RIP LAINU RUAK CU RAMRI IN AN KIRPI TTHAN

Apoituk hringhrin, Kan Lainu or Chinnu ruak cu ramri in an kirpi tthan tiah theih a si. Mizoram khuapi Aizawl ah a ummi Pi Lal Rem Sang cu nizan zing suimilam 4 hrawnghrang ah a nunnak aliam. A zawtnak hi Pneumonia asi tiah an chim. Pi Lal Rem Sang a vapa hi Pu Lal Rin Tluang asi. Pi Lal Rem Sang te chung hi Aizawl sang pakhat Bawngkawn timi a ummi an si.

Pi Lal Rem Sang ruak cu Kawlram Tahan ah vui dingin Mizoram Aizawl in an tlunpi. Asinain ramri Tio an phak in ruah lopi in Pi Lal Rem Sang ruak cu an kirpi tthan i, Aizawl tu ah a ruak cu vui dingin an ti tthan tiah theih a si. An mah an khua hi Tahan E Group ah a ummi an si. Tutan ah thil a cangmi konghe pehtlaiin LCF nih a tanglei bangin an thanh.

Mithi ruak cu kirpi tthan a si. Aizawl in kawlram lei panh in ruak an phurh mi cu Tio lei in a rak phurtu dingmi ah harsatnak a um caah Ruak cu Aizawl ah vui tthan dingin an kirpi tthan. A nunnak aliammi hi Pi Lal Rem Sang a si i, Kum 45 minung a si. A thihcaan hi nizan September ni 12 zinglei suimilam 4am.

A vapa hi Pu Lal Rin Tluang a si, Pi Lal Rem Sang a thihnak a ruang bik cu Pneumonia a si. An umnak hi Mizoram khuapi Aizawl, Bawngkawn sang ah a ummi an si i, an khua cu Kawlram Tahan E Group an asi. Ruak hi Tahan ah vui dingin LCF Motor in a tawlrel. Asinain tlamtlin lonak ruangah Tio in ruak cu an kirpi tthan. Tantakmi chungkhar nan ngeihchiatnak kan hrawmpi hna. Chirhchan:LCF

Be the first to comment

Leave a Reply

Your email address will not be published.


*