APOITUK RALHRANG RALKAP NIH THANTLANG AH PASTOR AN KALPI

Breaking News: Thantlang TCBC Pastor Ngun Thawng Lian ralkap le palek nih an tlaih. 2021 March 27 zaan suimilaam 9:30 tluk ah Thantlang Centenary Baptish Church Pastor Ngun Thawng Lian cu ralkap le palek nih a inn ah an luhhnawh i an kalpi tiah a hmutu sin in thawng kan theih. A hmutu pakhat nih, “Suimilaam 9:30PM tluk ah an luh hnawh. An kalpi lio ka hmuh ko. Amah a si ko,” tiah a chim.Pastor Ngun Thawng Lian inn an luh hnawh hlan ah Thantlang Youth Association zung zong tawh an bouh dih i an luhhnawh tiah theih a si. Credit: The Hakha Post.

Thantlang Khua Ah Bomb Apuak - Laimi News Collection

Relchih:Hakha chuaktak caan si rih lo. Hakha ah ni 49 chung ralkap uk duh lonak kan langhter cang. Ni 49 chung ah tlaihkhih a tongmi minung 50 fai kan si. Pathian a tha thisen luan le nunnak liam tiang cu kan tong hraw lo (Pathian kan veeng hram rih ko sawh). Tihphan, thlalau in mizapi kan um dih cio (kan mawh hrim lo).Tihphan ruang ah Hakha chuah takin hmundang ah a zaam mi an um pah cang ti thawng ka theih. Ka lau ngai te…a caan a si rih lo cu teh. Ziah kan zaam lai lo ti phu zong a si ko.Asinain, atu hi tlik le zaam le Hakha chuahtak caan a si rih lo. Nangmah le keimah nih kan Hakha kan ven lo a si cun, ho nihdah a veen ti lai?

Nuhmei le kutkiak, ke kiak lawng nih an veeng kho lai lo cu teh aw…! Kan dihlak lungkhat, thinkhat tein kan dirhkamh leh ko lo ah… si ko maw?Doh ding in February 7 ah a hram kan thok cang khah. A dihdongh tiang nu nu pa pa in kan doh a hau. Chuah tak a zat tik ah, chuah tak ding mi kan chuah takter hna lai.Meithal tlaih a herh cun kan i tlaih cio hna lai tah…! Kan ram, kan hmun, kan vawlei nangmah le keimah nih kan ven a hau. Kan dohmi hi kan tei hrimhrim lai.

Kan tei tik ah kir loin na um lai lo. Na rak kir lai i na innpa chakthlang nih thlanti luang in kan doh mi fawi tein a theipar na tep ngam lai maw? Hakha hi chuahtak hram hna hlah usih. A caan a si rih lo. Zatial tlaih in hmai kan nor chin lai. Kan tei hrimhrim lai.CDM le Warrant pawl cu ka telh hna lo mu. An nih cu an dirhmun nih Hakha um ding a pek ti hna lo ca ah a si.Salai Nun Hlawnceu

Be the first to comment

Leave a Reply

Your email address will not be published.


*