BREAKING NEWS: MIZORAM AH ZAWTNAK AN HMUH VE CANG

Breaking News: Mizoram zongah Coronavirus zawtnak angeimi an um cang. Hi konghe pehtlaiin thanhnak an tuahmi cu Mizoram ah Coronavirus zawtnak angeimi minung pakhat an um cang tiah Health Minister Dr R Lal Thang Lian nih a chim. Hi bia hi tuzing ah a chimmi a si tiah an langhter.

Coronavirus zawtnak angeimi cu Zoram Medical College Falkawn ah zohkhanh cuahmah asi tiah a chim chih. Hi konghe pehtlaiin cozah nawlngeitu lutlai hna nih an chimmi cu zawtnak angeimi hi Netherlands in March ni 16 tuthla ah khan arak phan mi a si.

Cun nizan March ni 24 ah khan coronavirus zawtnak angei tiah fehternak an tuah cang. Hi konghe pehtlaiin Health Minister nih a chim tthan mi cu Coronavirus zawtnak hi Mizoram chungin akai mi asi lo, Ramdang in a rak i chawnh i a rak i luhpi mi asi tiah a chim rih.

Coronavirus zawtnak angeimi hi Pastor a si i, amah hi aa fimkhur mi le aa ralring ngaingai mi asi. Midang zawtnak chawnh khawh lo dingin aa rungveng khomi a si caah mipi hna caah thinphan dingmi a um lo tiah a chim. A chungkhar hna zong hmundang te ah chiah ding le aharhning in zohkhanh dingin an lak cang hna an chim.

Credit:Vanglaini