BREAKING NEWS : KIA Laiza Sakhaan Lei Ah Ralhrang Tank Le Mawtaw Tampi Hmuh An Si.

Kachin hriamtlai KIA umnak Laiza camp lei ah nihin April 23,2021 zanlei ah khan Kawl ralkap raltuknak Tank tampi le Motor tampi cu an kal hna tiah khuami hna nih an chim. Nihin April 23 ah Kachin ram kulh Ban Maw myo in Laiza camp lei ah Kawl ralkap raltuknak Tank tampi an kal hna.

Understanding Myanmar Tatmadaw's Offensives - Kachinland News

Cu pinah Motor in ralkap tampi an i cit i an kal hna. KIA he i kahnak ahhin Kawl ralkap nih a hman tuk bal theng lomi raltuknak Tank pawl a hman cang hna lai caah mipi ralring tein um ding ah theihter an si
Kawl ralkap nihhin KIA hi an ci hmih khawhnak ding ahcun an hmunpi Laiza hi kah a duh mi a si. Sihmanhsehlaw nihin tiang a kap kho rih lo. Vanlong in Laiza kahnak ding ahcun Tuluk ramchung lei
pi ah Vanlong va zuan a hau caah a kap kho bal lo. Kan hnu ah khan Laiza camp cu Kawl ralkap nih Vanlong in a kah lai timi thawngpang Laiza ummi nih an theih. Zingka tein tlang an au i mipi pohpoh khur chung ah um ding le ralring tein um ding ah thawng an thanh hna.

KIA le Kawl ralkap kahnak a fak tuk. Alaw Bum Kawl ralkap sakhan cu KIA nih an lak. KIA nih an lak hnu ah Kawl ralkap nih lak than an duh i ni tampi Alaw Bum tlang ah an i kap. Kawl ralkap battalion in
an nunnak a liam i hliam an tuar. Nihin tiang Alaw Bum camp cu KIA kut ah a um peng rih ko. KIA le Kawl ralkap an i kahnak ahhin thla khat fai ah KIA nih Kawl ralkap sakhan 10 reng lo an lak khawh cang. Kawl ralkap tamtuk an thi cang i hliam an tuar cang. Kachin ram lei ah Kawl ralkap nih ralkap tampi an kuat chap lengmang hna.

Be the first to comment

Leave a Reply

Your email address will not be published.


*