BREAKING NEWS: DR SASA NIH BAWMHALNAK A TUAH CANG, BAWMCIO USIH

Breaking news le thlacam bawmhnak sawmnak. Tuzan suimilam 9:pm ah UN meeting ngei ding a si. Dr. Sasa zong thatein kawlram thil sining a chim I, Pathian Tharau nih a um nak ding caah thlacam bawm cio hna u sih. Dr. Sasa nih a chim mi cu, Tu ni, election commission nih biakhianak a tuahmi point 4 song UN ah ka chuahpi lai, phunglam loin thil an tuah mi lawngte a si caah tiin, a chim. Credit: Chin Page.

No photo description available.

Relphu: Dr. Andrew Ngun Cung Lian hi Joseph bang a unau Chin miphun hna nih kan tluk lo i, lunghrinhnak le sual puh in zei le zong tein kan ti. Asinain Kei nih cun Dr. Andrew Ngun Cung Lian hi a unau chungkhar Chin miphun caah le a Ram caah Joseph bantuk asi khomi asi tiin ka ruah i, ka soisel ngam lo i, ka upat ngai zungzal mi asi. Joseph zong kha a unau hna nih, Wolf nih a seh, an ti veko khah, Dr. Andrew Ngun Cung Lian zong, a unau chung khar Chinmi phun nih Ralkap nih an seh kan ti veko hih. By Kawi Tling.

Kawl Pawl Nih Dr Ngun Cung Lian An Phomh Ning Cu Faak Bak Ko -

Mah Kong Hi Vun Relchih Hmanh:Min Aung Hlaing hi tlaang cungmi a kan bawmtu ah kan biak PATHIAN nih a van kan thlah piakmi asi tiah ka ruah. Ka hmuh ning cu hi ti hin a si. A tu kan Kawlram uknaak phunghrampi hi hrawh lo in cun a remh I remh ding cun democracy federal ka duh ko a timi NLD hmanh nih Ralkap le USDP party I tlaang cungmi hi vuancichouh CM te hi cu an mah duhmi te I thim ko hna seh ti in cite an kan liah mi hmanh an duh ve lo tik ah,

Phunghrampi a remh I remh hin cun NLD nawl koko hin cun tlaangcungmi nih mah te uk khawhnaak federal kan duhmi hi a cuanh in cuanh khawh ding a si hrimhrim lo ti ngam ding a si. Phunghrampi chung ah hin ralkap uknaak a fehfuan khawhnaak ding caah le tlaangcung miphun kan duhmi covo hmuhnaak ding a dawnkhan tu aa ttawnttokmi a tam tuk hringhran.

Cu ca ah phunghrampi cu a hrawh in hrawh hmasa bak a hau ko tiah upadi ( Law ) a thiammi hna nih an ti cio bantuk in a tu bantuk aanaa ting lio caan te ah hin kan phunghrampi cu a hrawh in hrawh cikcek ding a si. A hrawh a fawi lio caante a si fawn. Phunghrampi hrawh khawhnaak lamthluan cu aanaa ting lawng ah a lam a awng tiah kan rak ti cio bantuk khan a tu caan te hi phunghrampi hrawh khawhnaak a caan cu a hung si ve.

Tlaangcungmi le ramkulh vialte kan ca ah cun mah te I uk khawhnaak lam thluan hi a tu lio aanaa a kan ting piaktu Min Aung Hlaing nih hin a kan vih piak, lam a kan sial piak I a kan bomh bia a si ti in kan ruah a hau tiah ka ruah.
( A mah lehlam hi cu anmah kawl nih an thin hun tuk ah an thah I mei in a ruak kan duah tiah an tar bantuk khan thih chiat in a thi lai I a va lotlau ve te ko lai ).Cu ca ah kei nih cun Min Aung Hlaing hi tlaangcungmi a kan bawmtu ah kan biak PATHIAN nih a van kan thlah piakmi a si tiah ka ruah. Luatnaak le mah te I uk khawhnaak cu kan biak PATHIAN nih kan hmuh ter hram ko seh. Credit: JP Biak Tin Sang

Be the first to comment

Leave a Reply

Your email address will not be published.


*