BREAKING NEWS: CDF LE RALHRANG KAWLRALKAP AN I KAP CUAHMAH

Breaking News: Mindat peng ah CDF-Mindat le Ralhrang kawlralkap karlak raldohnak a chuak tthan. Nihin August 13, 2021, zaan suimilam 7:00PM hrawng in kahnak aa thok hi a si tiah CDF-Mindat nih thawngthanhnak an tuah i a tu zong kan i kaap cuahmah ko ti a si. Nihin zaanlei ah khan, Uico Ralhrang pawl nih Mindat khuapi,

Sianginn pakhat cu an mah umhmum khuarnak ah an hman, cun nu pakhat zong an tlaih tiah Chinland Guardian nih mirang ca in a tarlangh ve. Cu tlawmpal ahcun kahnak a chuak, kaphnih kan i kaap cuahmah tiah CDF-Mindat nih an langhter colh ve hi asi. Mindat hi Chin ramkulh ah raldohnak a tam ngai nak hmun a si. Nihin zong ah kahnak a chuah tthan tikah mipi lei nih thlacamnak zong in biatak tein bawm cio hna usih. CDF Mindat Pathian nih dirpi hram hna seh.

Mindat Paina ~ Pu Thangboi :: ZOMI DAILY

Relchih Thawngpang dang:Tangka tlap le bank phihkhar ding kong cu a dik lo tiah central bank nih a thanh Tangka 5000 tlap le 10000 tlap hna cu thah a si lai tiah theih mi kong ah, thawng dik lo a si tiah central bank nih nihin ah cathanh a chuah. Hi thawngpang kong he pehtlai in tangka tlap thah ding le bank pawl phih khar ding ti mi thawng pang ruang ah tangka chuah a duh mi tampi an um caah, cu thawng kong he pehtlai in a dik lo mi a si tiah central bank nih cathanh a chuah nak hi a si.

Central Bank dirhmun in, tangka kong ah thawng daiten a um khawh nak ding ah tha te in le ralrin ten riantuan a si,bank lei zong nih rikhiah mi ning ten fek tein le tha te in riantuan nak tuah a si ko tiah central bank nih an langhter. Ralhrang nih nawlngeihnak an lak hnu thla 6 luan ah bank tangka chuah duh tik ah rikhiah piak a um i, July thla dongh lei ahcun cheukhat bank ah tangka chuah khawh nak hna cu chikhat phih chung nak a um.

Tuahkel tangka chuah mi ca zong ah rikhiah piak a um tiah bank ah kal tawn mi cheukhat nih an chim. A hlan cozah chan ahcun zungkhar si zongah, bank nih a kan tawlrel piak, atu ahcun rikhiah piak mi a tam ngai,tangka chuah zong a har, a tu ah bank zong khar a si lai tiah theih a si caah tangka a har chin cang lai tiah Burma Associated Press nih a langhter.TCP

Be the first to comment

Leave a Reply

Your email address will not be published.


*