BIDEN NIH ORDER A CHUAH DINGMI AN PHUAN CANG, TRUMP CU ALO AI

Joe Biden nih US President sinak an pekni Biakamnak antuah dingmi Ni le caan ah a chim dingmi pawl cu langhter asi cang. Achimmi dingmi chungah Donald Trump nih harsa ngaingai in biachahnak a rak tuahmi hna cu a let lai ti asi. Biden nih achim ding mi cu President biakamnak tuah tikah ramchung mi vialte hna cu pumkhat thinkhat lungrual tein um hi ka duh bik mi asi timi achim lai tiah Ron Klain nih achim.

Tutan ah mah bia achimtu Ron Klain hi President Office Chief of Staff asi dingmi asi. Coronavirus konghe pehtlaiin mikip hna cu biatak tein Trump arianttuanning cungah an el i, hi zawtnak kongah Trump kalpi tthenkhat hna cu thlennawn asi lai i, zawtnak tlangrai hi biatak tein doh atimh tiah a chim chih rih. Culawng siloin biakamnak tuah adih bak in anawlngeihnak ahman lai.

Ni hra chungah Parliament biaruahnak zong hngak loin rianttuan aa tim colh tiah alanghter chih rih. Muslim tampi an umnak ram cungah Immigration phunglam Donald Trump nih atuah mi vialte hna cu donghter dih atimh i, Paris hnatlaknak tuahmi Global Climate Change zongah i tel tthan ding le ramchung kal umnak siseh cozah zungah Mask i vuah dih dingin order chuah atimh.

President rian attuan i, a nikhat nak ah ramchung chawleh chawhrawlnak le cawn cannak inn on tthan ding le Coronavirus zawtnak hi dotthletnak fak piin tuah dingin order a chuah tthan lai. Cun president attuan a nihnihnak ah zawtnak ruangah atuarmi hna cu bawmhchanhnak caah timhtuahnak angeihmi vialte athanh tthan lai tiah a cunglei upa langhter mi Ron Klain nih CNN TV ah a chim.

Vice president attuan dingmi Kamala Harris zong amah duhthimnak bangin hi ni le caan ah Sonia Sotomayor hmai ah biakamnak atuah ve lai. Hi hmun le hma ah hin Bible pahnih hman atimh i, Thurgood Marshall (Minak minung Federal Supreme Court Justice Hmasa bik) Bible hman chih atimh. Marshall a duhnak le amah ruangah Sihni si zong a timhnak kong zong alanghter. Sonia Sotomayor hmai ah kum 2013 ah khan Joe Biden cu Vice president caah biakamnak arak tuah cangmi asi.

Be the first to comment

Leave a Reply

Your email address will not be published.


*