BIDEN CAAH THINPHANG TAKTAK SI CANG, KHAM DIH AN TIMH

US Election cu buainak athoka lawng asi cang. Wisconsin GOP hna nih election final result chuah lo dingin Emergency Petition an tuah cang. State Supreme Court ah final result chuah rih lo dingin Wisconsin GOP hna nih kham an timh. Hi konghe pehtlaiin facebook ngeitu Mark Zuckerberg nih tangka a thawhmi cu Absentee voting timi an mah a um lomi hna zaka ah vote tampi thlaknak caah an hman ti asi.

Tutan ah GOP nih case an tuahmi ahcun vote ningcang loin tuah le thlak asi caah Joe Biden nih vote 20,608 a hmuh tiah an langhter. Election ah result dang a um khawhnak dingah rianttuan asi tiah Wisconsin Republican Party Chairman Andrew Hitt nih a chim pin ah Trump campaign hna nih counties pahnih ah vote reltthan ding in an tuah tiah a chim chih.

Relchih: USA ramchung ah November 24,2020 ni cu Covid -19 in USA ah May 6,2020- November 24,2020 karlak ah a thimi an tam bik mi ni asi. May 6,2020 ni lawng ah minung 2,611 an nunnak a rak liam mi cu a tam bik. Cu chung ahcun, November 24 ,2020 Covid -19 a zualnak bik state hna cu Ohio, Washington, Indiana, Missouri, Wisconsin, Oregon, Maine, Alaska and North Dakota ahhin an si hna.

United States chung lawng ah November 24,2020 tiang ah; Covid-19 in a zawmi hi 12.7M + 176K an si cang , a thimi 260K+2,203 an si cang hna. Vawleicung ramkip fawnh in Covid -19 a neimi minung 58.9M an si cang, a dammi 38.3 M an si, a thimi hi 1.4M an si cang hna. A hlei in USA ramchung laimi an tam bik an umnak hmun cu a cung ah fianhmi hi an si hna ruang ah rak i ralring cio uh. USA ramchung states kip ummi laimi nih, cu hlannak in biatak tein daithlanglo tein iral ring cio hna uhsih.

Dai thlang in um bak lo ding, na dam pahlo ahcun, Inn te ah idin law a herhmi si din piak. Na immune system a thawngnak ah mitkuh cim tein it, eidin zong ah thazaan a ummi rawl ei piak, a tu le atu ti din piak lengmang. A hlei in Inn chung te ah yoga / exercise tuah lengmang. Zei rello in um sual hlah. Daithlang caan a si ti lo.

Be the first to comment

Leave a Reply

Your email address will not be published.


*