BIATAK TEIN RUNVENNAK AN TUAH CANG, THAIZING CU THINPHANG SI KO

Thawngpang alinsa taktak cang, ASEAN meeting tuahnak pawngkam vialte zong ralring taktak in duty an ciah dih cang hna. Tutan ah biatak tein an i ralrinnak khun cu mithat lainawng Min Aung Hlaing aitel in, akal lai ruangah a si bik. Min Aung Hlaing cu thaizing April 24 zinglei 6:00 AM ah Min Aung Hlaing Indonesia ram ah a zuang lai.

May be an image of one or more people, outdoors and text that says "PATRA"

ASEAN Summit meeting ah SAC lutlai Min Aung Hlaing cu Myanmar Airways International (MAI), MMA No. 001 in Indonesia ram khuapi Jakarta ah a zuang lai, ti a si. Cu hlan Myanmar ram upa deuh khual an tlawn (ramleng chuah) tik ah Myanmar National Airline (MNA) deuh in khual an tlawng tawn nain tutan Min Aung Hlaing cu MAI in a tlawng lai.

May be an image of one or more people and outdoors

MAI ah hin Myanmar rammi Vanlawng lei riantuan Officer rank minung an tam pin ah ralkap chungkhar in Philippines ram ah Vanlawng lei sianginn a kai mi an tam i MAI ah rian a luut mi an tam ca ah a si,” tiah riantuan bal mi pakhat nih a chim.Hramhram in nawlngeihnak latu Min Aung Hlaing hi ramleng a chuah lecangka tlaihcolh ding a si,” tiah,

May be an image of one or more people and outdoors

Global Centre of R2P in Executive Director Dr. Simon Adams nih a rak chim bal. Cun, NUG in Home Affairs and Immigration Minister U Lwin Ko Latt zong nih INTERPOL (Vawlei cung Sualphun ngan hlathlaitu Palek) nih tlaihpiak ding in General Secretary sin ah ca a kuat ve fawn.

May be an image of one or more people, people standing and outdoors

Thawngpand Dang:Tuzanlei Hakha ah kawlralkap ralhrang hna an mah le anmah an i kahnak kongah Pu Ngun San Aung nih mipi sin ah bia a chim. Lau hlah uh, nan thinzong phang hlah uh, anmah kawlralkap cungah a cangmi thil a si tiah a chim. Tuzan lei ah khan Hakha vuanci pawl umnak inn gate, Pu Sui Thio a rak umnak zawn ah i kahnak a chuak. Tuzan lei i kahnak ah hin ralhrang kawlralkap minung pahnih an nunnak aliam i, minung pakhat zong fak ngai in hliam atuar ti asi.

Thawngzamhnak tthenkhat nih an langhter ning ahcun minung pathum an nunnak aliam tiah an ti. Biafiang hlat cuahmah asi. Tuzan lei i kahnak hi anmah kawlralkap chung lila an si. Minung pakhat nih a hawi le pahnih akah thah hna tiah theih asi. Hi kahnak konghe pehtlaiin Pu Ngun San Aung nih a chimmi cu ralkap pakhat nih a hawi le minung pahnih akah hna i, amah lila zong aa kap ve. Minung pahnih cu a hmun lila ah a nunnak aliam i, minung pakhat cu a hma fak ngai i, a thih le a nun zong theih a si lo tiah a chim tiin a langhter. Hi konghe pehtlaiin khuami vialte zong lau ding a um lo. Anmah le anmah cungah a cangmi asi.

Hi konghe pehtlaiin aliamcia minute tlawmpal ah khan DVC nih alanghter mi cu hitihin a si: Hakha Vuanci Ing-Ya ah kahdohnak a chauk Ralkap 3 an thi.Hakha Vuanci Ing-Ya kiangkap April 23 zaan suimilaam 7:30 tluk ah ralkap le ralkap an i kap sual i ralkap minung 3 an thi tiah kan theih. Hi kong he pehtlai in a kiangkap um mi pakhat nih, “ An meithal thawng hi lai meithal thawng a si lo.A hmasa kan thawng kan theih ning ah midang he an i Kap tiah kan theih nain si dawh a si lo. Ralkap meithal thawng a si.

Anmah le anmah kha minung i palh in an i Kap sual lai tiah ruahdamh a si. Thawngpang fiang in kan hal cuahmah lio hna. Atutiang kan theih ning ahcun Ralkap minung 3 an thi,” tiah DVC ah a chim.Hakha Ralkap le Palek cu Zaan suimilam 8:00 hrawng ah minung 30 tluk Cozah Zung hmai ah an um i khuachung le khua kiangkap ah checkhlatnak tuah an timh tiah thawng kan theih. Biakilh: Thawngpang fiang kan hlat cuahmah. Tlamtling deuh in thanh kawh kan i zuam lai. Credit: Democratic voice of Chin- DVC

Be the first to comment

Leave a Reply

Your email address will not be published.


*