KAN BAWM CIO UH BIAKINN SAKNAK CAAH LUNGHRING BANHROLH KAN ZUAR

Bawmh khawh cio i zuam hna uh si, Biakinn saknak caah tiah banghrolh lunghring an zuar. Hi thil an zuar mi hi a miak duh le ahlawknak duh ruangah siloin Mission rianttuannak caah siseh amah Pathian caah tiin an zuarmi thil a si. Bawmh khawh i zuam cio hna uhsih. Atanglei hi Rev Dr Benjamin Khamh Bawi nih attialmi a si.

Rak Kan Bawm Cio U.Kan Mission Lopil chung i Pathian Thangthatnak le Biaknak caah le Mitlau tlaihnak caah kan sak lio cuahmah mi INNPI caah Pathian a kan pekmi Lunghring (Jade) Kuthruk (Fau)zuar dingmi kan ngei.Mandalay Dawr ah Cawk dingin va hal hna ulaw pakhat ah Ks. 250,000 le Ks. 300,000 karlak MAN a si lai.

Kan nih cu Cawlehnak caah kan tuahmi siloin BIAKINN caah Pathian nih a kan pekmi a si caah a kan Bawm duhmi paoh he a man cu i CEIH khawh a si lai. Upa ta, tleirawl ta le ngakchia ta tiin phun thum kan ngei.Servant. B. Khamh Bawi Aung. Mandalay, Myanmar, Ph. 09265475508.

Relchih.Thei Ka Tlai Kho Lo.‘Cuticun thei tampi nan tlaimi le a ka zultu sinak nan langhtermi nih ka Pa kha sunparnak a pek’ (Johan 15:8 NIV).Jesuh zultu kan sinak cu thei tha kan tlaimi nih a langhter i Pathian kha sunparnak a pek. Zumtu vialte hi thei tha a tlai dingin Pathian nih aa ruahchan zeicahtiah pakhatnak, Amah nih sunparnak co a duh.

Pahnihnak, zumlotu hna nih kan nunnak in Pathian khamhnak an hmuh khawh lai.Thei tha tampi kan tlai khawhnak dingah thil pakhat lawng a um; cucu Jesuh he i pehtlaih a si. Amah he i pehtlaihnak lawngin thei tha kan tlai khawh. Amah he i pehtlaih timi cu: amah thangthat, amah sinah thlacam, rawlulh, a nungmi a Bia kha thukpi in rel ruah i nunpi, amah sinah i pumpek le amah riantuan tehna an si.

Hiti kan tuah lawngah thei tha kan tlai khawh, Kalati 5:22 chung i Thlarau theitlai hna khi kan tlai khawh lai.Zumtu nunnak ah Jesuh he kan i pehtlaihnak a hrawktu thil tampi an um, cu hna cu thei tlai lo dingin a kan tuahtu an si, nangmah nunnak i a ummi kha zoh ve hmanh. Nifate na tuah tawnmi sualnak phunkip nih Khrih he nan i pehtlaihnak a hrawh. Cun midang huatnak lungthin, ngaihthiam lonak lungthin, mi cungah lungfahnak,

Pathian sinah na phuan lomi sualnak, a thli in na tuahmi, ningzahnak tbk hna hi an si. An um ahcun kal tak cang.Hi hna hi na nunnak ah an um sual ah cun Jesuh sinah rianrang in kalpi law amah kha chim. Bawipa nih an bawmh lai. Thei tampi na tlai lai. Amen. Ref: Tukhal Cazual