BIAFIANG CNF/A LEI NIH FIANG TEIN AN CHIM CANG

CNF/A chungin chimnak nawlngeitu Salai Htet Ni nih fiang tein a chim cang. Nai hrawnghrang ah kan Unau tthenkhat hna cu Mindat CDF ah Chin ralkap CNA pakhat hmanh an i tel lo tiah an chim. Hi ruangah Chinmi tthenkhat hna nih CNA cungah an lungtlin lonak tete zong an langhter pin ah, a soisel lenmi zong tampi an um hna.

Mindat Chinland Defense Force ah CNA nih nan ralkap nan thlah hna maw thlah hna lo, Mindat CDF nan bawm hna maw tiah CNF/A chungin chimnak nawlngeitu Salai Htet Ni cu tuzing ah biahalnak an tuah. Lehnak a tuahmi hna cu Mindat CDF ah hin kan i tel ko. Kan ralbawi pakhat zong akal ko. Culawng siloin Mindat ah minung pakhat zong hliam atuarmi a um tiah a chim chih.

Usa Chin Pa Pakhat Zu Din Buin Motor A Mawngh Ruangah Thongthlak Ding  Asinain Cnf Min Ruangah Luatnak A Hmuh – Chin World News Evening

Cabiadang relchih aduhmi caah. Kan Ralkap CNA/ CDF nih i ralrin ding mi thil biapi pakhat. Ral kan tuk tikah raltuk a dih hlan bak ah raltuk lio live thlah le facebook cung hmanthlak tar kan hman. A tak cun ral a tu cuahmah mi sihtan (hmaikal) ralkap hrimhrim nih ralkap tlaihmi i chawnhnak Walkie- talki phone dah lo cu simcard le internet data ummi phone i tlaih lo ah a tha bik. Cucu kan him nak a si lai tiah ka ruah.

KIA ralkap pawl an dirhmun pakhat te i cawn awk ka duh ngai mi cu ral an tuk tik ah an hmaikal ralkap pawl khi live thlah chim lo phone hmanh i put ter an duh hna lo. Mah belte an lak ah ral an i tuknak record a rak latu cu an um ve i mah pawl tu nih cun heh tiah record tha tein an tuah i ral an tuk dih hnu ah hmanthlak he tling tein mipi sin zamhnak an tuah tawn. Nai hrawng KIA raltuk lio live thlah hmang pawl khi KIA taktak an si lo.Hi kong hi biatak deuh in kan ralkap nih ruah ah a tha.

Caan saupi ral kan tu kho men. Kan Phone ah data/internet hna a um hrimhrim i kan on ah cun kan umnak khi Ralhrang pawl nih fawi tuk in an theih khawh mi a si caah phone facebook le internet kong hi kan i ralring ah a tha. A herh cun raltuk lio record a latu ser i anmah nih tha tein la ve hna seh. Raltuk a dih puai a dih cang ti hnu ah mipi sin thanh ding si ko. Raktuk lio live thlah le thawngzamh hi Kanmah le kanmah Dalan kan tuan bantuk si.Mipi lei zong i ralrin ding si ve. Ralrin nak ca le siaherhnak he, Credit: Tluang Ceu Thang.

Be the first to comment

Leave a Reply

Your email address will not be published.


*