AUSTRALIAN COMPANY AN MUAL AN PHOH VE CANG HNA

Ralhrang Kawlralkap hna nih hramhram in uknak an lak hnu ah atutiang Australian Company hna cu rian an ttuanpeng ko tiah an langhter. Lungman sung kawlnak rian cu ralkap nih uknak an lak hnu zongah Australian Company hna cu ngol loin rian an ttuan peng ko tiah Guardian thawngzamh nak nih report apek tiah Shan Human Right Foundation nih a chim.

Australian-backed company accused of exploring for gold in violence-riven  Myanmar | Myanmar | The Guardian

Hi thawngpang Australia Company hna rian an ttuan peng ko timi hi Mong Phyak Eastern Shan state ah a ummi hna sin thawngpang kan theih mi a si tiah Access Asia Mining nawlngeitu hna zong nih an chim ve. Access Asia Mining hna hi Shan State ah ram sq.km 1800 chungah lungman sung kawlnak nawl an pek mi hna asi tiah thawngzamhnak nih alanghter chih. Tutan ah Australia Company hna nih rian an ttuan nak hmun, Lung man sung an kawlnak hmun le hma hi Tuluk, Laos le Thailand ram hna an i ritnak hmun ah a si.

SHRF's tweet - "#Australian-led mining company pushes ahead with  large-scale gold exploration in eastern Shan State amidst military  atrocities " - Trendsmap

Relchih: Ralhrang kawlralkap lutlai mithat lainawng pa Min Aung Hlaing caah thawngpang chia taktak a chuak tthan cang. Caan karlak Myanmar cozah dirhmi Nation Unity Government nih ralhrang lutlai kawlralkap bawizik Min Aung Hlaing cu Tlaihpiak ding in NUG nih INTERPOL ah Bawmh Halnak ca a Kuat.

Myanmar junta chief urges economic action as Western pressure grows |  Deccan Herald

Ara lai dingmi April 24 ah Indonesia ram ah Asean Summit a kai dingmi mithat lainawng pa Min Aung Hlaing tlaih ding in Myanmar caankarlak cozah NUG nih vawleicung palik bu INTERPOL sin ah bawmh halnak ca a kuat. Min Aung Hlaig tlaih ding in bawmh halnak ca cu NUG, Myanmar Home Affairs le ramkomh vuanci U Lwin Ko Latt nih April 22 ah INTERPOL sin ah an kuat.ICC le ICJ ah Min Aung Hlaing tazacuai khawh a si nakhnga Indonesia ram a rat tik ah rak kan tlaihpiak u,” tiah NUG nih bawmh halnak ca a ttial hi a si.

Be the first to comment

Leave a Reply

Your email address will not be published.


*