APOITUK KAWLRAM CU THAWNGPANG CHIA NGAINGAI A SI KO CANG E

August 23 ah covid-19 zawtnak angei thar mi minung 6 an i chap, Rakhine ram kulh Sitwae khua ah ram leng khual tlawng mi si lo in, ram chung a um mi zawtnak a ngei thar an i chap than, A poi ko Rakhine ram khulh ah August 16 khan biatak tein hi zawtnak hi a karh chin caah, Ttuan vo ngeitu zong an lungre thei i tucu, Rakhine cu Lockdown tuah a si. Zawtnak a karh tuk ruangah Internet line zong on piak an sinak hnga hal piak nak zong an tuah hna, Ni ruk nisarih chungah kawlram ah minung 53 an i chap, atam deuh cu Rakhine ram kulh chung mi an si. Rakhin ram chungah covid19 zawtnak a ngei mi 85 an phan cang.

Tuzarh chungah Rakhine ram zawtnak a ngeimi a karh tuk caah, Yangon lei doctor le mizaw zohkhenh tu le si le ai he tiin Minung 24 Rakhine ram kal dingah tuni an i thawh, Kawlram chungah covid_19 zawtnak angeimi minung 450 an phan cang athimi 6, Adam than cangmi dizungin a chuak cangmi 335 an si cang, Kawlram chungah Yangon ah covid_19 zawtnak ngei mi an tam bik, a pahninhnak ah Rakhin, apathumnak ah chin ram a si. Fak pi in i ralring cio ko hna usih ttuanvo ngei tu nih tuah a kan fial mi tlam tling tein tuah khawh i zuam cio usih. We Media

Dortmund lentecelhtu Jadon Sancho cu Man Utd nih cawk an duh. Sancho umnak Dortmund nih August 10 kha a hnubik ni-caan an khiahmi a si, nain Man Utd nih August 10 hlan ah Dortmund nih an hauh zat phaisa an chuah kho lo. An lung cu tutiang a dong ve rih lo. Cawk khawh an izuam len rih ko. Hi kongah a mah Sancho a holh ve. “Thawngpang rel lo tein um kaa zuam. Voikhat kan rel sual ahcun kan thinlung kalpi sual a fawi tiah ka ruah. Thawngpang nih a kan hnorsuan kho. Cucaah kei ka caah cun thawngpang rel lo hi a si.

Celhtual chungah a ttha bik tuah khawh izuam hi a biapi ah ka chiahmi a si. A hlei in training hi biatak tein ka tuah a herh. Ni fatin tthancho hi kei kaa zuammi a si. Nuam tein um i, mithmai pen tein um hi ka caah a biapi. Thawngpang hi ka rel taktak lo. Ni fatin tthancho izuam lawng hi kei biapi in ka ruahmi a si” tiah Sancho nih a chim. Germany thawngzamh nih a chimning ahcun Dortmund nih tu hnu season pakhat um rih dingin Sancho an lem kho tiah a ti. Sancho man cu Dortmund nih pound 108million an hauh, nain Man Utd nih an chuah kho lo.

Charhchan : Daily mail Sport

Be the first to comment

Leave a Reply

Your email address will not be published.


*