ATU HI THANTLANG MIPI AN THINPHANG TUK, THLACAM BAWM CIO HNA USIH

Breaking News: Thantlang mipi thinphang in an um, Thantlang khuachung ah atuhi i kap hna sehlaw alo, khuachung ah meithal le bomb apuak thluahmah, Meithal puah thawng le bomb puah thawng hi minute 20 hrawng chung asi tiah an chim. Meithal le Bomb a puahnak hi TABC sang chungah asi lai tiah khuami pakhat pakhat nih a chim. Atu za kan ttial cuahmah lio zongah a puak thluahmah rih.

Khuami pawngkam a ummi hna cu ih khun tangah kan lut dih hna tiah a chim chih. Atu Meithal thawng le Bomb puah thawng kan theih mi hi aa kap mi an si ko lai ti kan zumh tiah a chim. Thantlang mipi caah thlacamnak in bawmcio hna usih. Thawngpang update tuah khawh kan vun i zuam lai. Mipi an him khawhnak dingah thlacamnak in bawmcio hna usih.

Sui Than Tlang Khuapi -

Thawngpang dang: Kalaymyo ah khuabawi minung pahnih an kah thah hna. Kalaymyo, Tahan le Letpanchawng lampi ah a ummi Vutbuak le Pyinkhonegyi khuabawi pahnih hna cu nizan september niriat zan suimilam pakua hrawngah meithal in an kah thah hna tiah theih asi. Hi konghe pehtlaiin khuami pakhat nih a chimmi cu Nizan ah meithal voili a puak.

Khuabawi pa hi a mah lawng inn ah a um lio asi i, amah inn chung lila bak ah an kahthah hi a si. An thah mi khuabawipa hi kum 40 hrawnghrang minung a si tiah a chim. Cun Vutbuak ah hin nuter pakhat zong kuanfang nih a khen sualmi pakhat a um ti asi. Pyinkhonegyi ah hin meithal apuak hmasa, Cu hnu ah Vutbuak ah meithal a puak tthan.

Vutbuak khuabawi zong kum 40 hrawnghrang minung asi. Hi khuabawi pa hi a hlan zongah ralrinnak an pek cang mi asi tiah thil sining atheimi hna nih an chim. Amah hi inn in an hruai i an kahthah mi a si tiah khuami pakhat nih a chim. Tutan ah thil a cannak khuabawi an thah hna nak Vutbuak le Pyinkhonegyi khua hi Kalaymyo in mengli hrawng lawng ahlami asi.

Be the first to comment

Leave a Reply

Your email address will not be published.


*