APOITUK THANTLANG THILCANG CU, CHUNGKHAT CHIM CIO HNA USIH

Apoi ko cang iralring taktak kan hau cang. Tulio vawlei zawtnak a chuak mi konghe pehtlaiin kan zanmang manh lomi thil cu ruah lopi in kan umnak hmu le hma ah a rak chuak in a rak kan phak cang caah ralrin ngaingai ahau. Tuchun nitiang ah a him bik ko tiah ruahmi Sui Thantlang zongah thawngpang aleng cang.

Sui Thantlang ah tulio zawtnak asimi coronavirus zatnak angeimi cu atuhi minung pahnih an um cang. zawtnak angeimi zong hi an sining le an dirhmun langhter awk a rem lo caah kan langhter lai lo. Sihmanhsehlaw, pumpak kan tlonlennak cio tu in iralring cio hna usih timi kha vun theihter kan duhmi asi.

Hi konghe pehtlaiin Laitlang lei cu thawngpang kan theihtuk lo caah hicabia athei in areltu vialte hna zong nih Sui Thantlang a ummi kan chungkhat cingla rualchan vialte hna zong ralrinnak pe cio hna usih. Tutan Thantlang ah zawtnak angeimi hi minung pahnih an si cang. Thawngpang chia bantuk in kan dirhmun aphanh caah ralring ahau.

Tutan kan tonmi konghe pehtlaiin Thantlang sipin zung lei nih ralrinnak an tuahmi hi chungkhat cio chimcio hna usih. Hi kongah Sipin lei nih thanhnak an tuah mi cu Thantlang khuachung ah covid zawtnak angeimi minung pahnih an um tiah thawngpang theih asi. Curuangah atanglei bantukin theihternak tuah asi.

Thantlang khuachung ah dawr atuahmi or daw angeitu vialte hna nih Dawr nan hngah or na thut tikah maihuh MASK i vuah ding. Mask i vuah loin dawr ahohmanh nan hngak in nan on lai lo. Mask i vuah loin dawr nan on or thil nan zuar asi ah cun nawlngeitu nih atanglei bantuk in dantatnak an in tuah hna lai.

Pakhatnak ah Dawr ngeitu hna nih Mask i vuah loin thil nan zuar a si ahcun Nithum chung nan dawr kharter nan si lai. Cun pahnihnak ah zarhkhat chung nan dawrt kharter nan si lai. Cun Pathumnak ah thlakhat chung nan dawr kharter nan si lai tiah thawngthanhnak an tuah cang hopoah nih zul cio hna usih.

Tutan kan tonmi konghe pehtlaiin Sui Thantlang a him in kan i runvennak ding caah nawlngeitu hna nih zulhphung an tuahmi le phung le lam an tuahmi vialte hna hi zulh khawh cio i zuamcio hna usih, a cunglei kan langhter cang bantukin tutan kan tonmi hi a sawhsawh asi hrimhrim lo.

Cucaah chungkhat cingla rualchan vialte hna zong kan umnak hmun le hma cio thawngpang theihter cio hna usih law, a bik in a cunglei kan langhter cang bantukin dawr angeitu or dawr atuahtu hrimhrim kan chungkhat an um a si ahcun chimcio hna in thawngpang theihter cio hna usih. Aruang cu ralrin nak hi abiapi tuk mi asi timi pumpak cio nih thei hna usih. Chirhchan. FVZU

Be the first to comment

Leave a Reply

Your email address will not be published.


*