APOITUK HRINGHRAN. THANTLANG KAN CHUNGKHAT CHIMCIO HNA USIH

Thantlang a ummi vialte ralring tein um hna usih, Hi ca arelmi vialte hna zong nih Thantlang khuasa kan chungkhat vialte hna zong chimcio hna usih, ralrin tluk atthami a um lo. Kan theihcio bangin tulio cu zawtnak biatak tein a vun karh lio asi caah ralring tein um cio hi attha. Thantlang ah naite arak rami cu Covid zawtnak angei tiah an chim.

Tutan ah zawtnak hrik an hmuhmi hi Pa Tuan Kip Thang asi. Amah hi Thantlang ah ninga chung arak ummi asi. Atuhi Pa Tuan Kip Thang cu Kalay sizung ah an chiah cang tiah theih asi. Tutan ah zawtnak hrik an hmuhmi pa hi aliamcia October ni 28 ah khan Thantlang ah arak ra mi asi, Ninga chung a um hnu November ni 1 ah Kalay ah akir tthan mi asi.

Cun amah hi Thantlang khuachung Sianginn sang Lahwahkah zung pawngah a ummi asi tiah an chim. Cun a um kalnak tete zong an langhter chih. Amah hi October Ni 30 ah zanlei sang ah khan Yawkhaye kunza dawr zong ah kunza a caw tiah theih asi. Hi konghe pehtlaiin thawng thanhnak an tuah mi cu a tanglei bantuk in an si hna.

Thantlang ah ninga chung a um mi Pa Tuan Kip Thang Covid-19 rungrul an hmuh le Kalay sizung ah quarantine an chiah. A tu i case an hmuh mi pa hi Oct 28 ni ah Thantlang a phan. November 1 ni ah Kalay ah a kir. Sianginn Sang Lahwahkah zung pawngah a um mi si. Market ah arpek ah a kal. Yawkhaye kunza dawr ah kunza Oct ni 30 zan lei ah a caw.

Sianginn sang Sung Ku nu te inn Gospel Biakiin thlang ah Nov. 1 ah a kal. Note : Ho poh timhlamh cia le ralring tein rak um hna sih. Atu ka van langhter mi hmunhma hna he ai peh tlaimi nan um ah cun ralring deuh in um tak i zuam uh law. Tiah an langhter.

Be the first to comment

Leave a Reply

Your email address will not be published.


*